ବାଲିଗୁଡ଼ା/ତୁମୁଡ଼ିବନ୍ଧ,୧୪/୧: କନ୍ଧମାଳ ଜିଲ୍ଲା କୋଟଗଡ଼ରେ ନିରାଡ଼ମ୍ବର ସହକାରେ ପାଳିତ ହୋଇଯାଇଛି ମକର ସଂକ୍ରାନ୍ତି |ଆଜି କୋଟଗଡ଼ ହନୁମାନ ବାଟିକାରେ ମକର ସଂକ୍ରାନ୍ତି ଉପଲକ୍ଷେ ପ୍ରବଳ ଶ୍ରଦ୍ଧାଳୁଙ୍କ ଭିଡ଼ ଦେଖିବାକୁ ମିଳିଥିଲା |ଗ୍ରାମବାସୀ ଓ ସ୍ଥାନୀୟ ବଜରଙ୍ଗ ଦଳ ଉଦ୍ୟମରେ ଏଠି ଶ୍ରୀ ହନୁମାନ ପ୍ରଭୁଙ୍କର ପୂଜାର୍ଚନା, ହୋମାଦୀ କର୍ମ କର୍ମାଣୀ କରାଯାଇଥିଲା ଓ ଅନ୍ନ ଭୋଗ ସାଙ୍ଗକୁ ମକର ଚାଉଳ ପ୍ରସାଦ ସମସ୍ତ ଙ୍କୁ ବଣ୍ଟନ କରାଯାଇଥିଲା | ଏହାକୁ ନେଇ ସ୍ଥାନୀୟ ଶ୍ରଦ୍ଧାଳୁଙ୍କ ମନରେ ବେଶ୍ ଉତ୍ସାହ ଦେଖାଦେଇଥିଲା ଓ ହନୁମାନ ବାଟିକା ରେ ହନୁମାନଙ୍କ ବିରାଟ ପ୍ରତିମୂର୍ତ୍ତି ମଧ୍ୟ ପର୍ଯ୍ୟଟକଙ୍କୁ ଆକର୍ଷିତ କରିଥିଲା |
ଏହି କାର୍ଯ୍ୟକ୍ରମକୁ ନରେଶ ବେରୁକ, ନାରାୟଣ ପାତ୍ର, ଜୟ ଦାସ, ବଂଶୀଧର ମହାନ୍ତି, ସୂର୍ଯ୍ୟ ପାତ୍ର ଆଦି ସଦସ୍ୟ ସୁଚାରୁରୂପେ ସମ୍ପାଦନା କରିଥିଲେ ।
