ଭୁବନେଶ୍ୱର : ସହୀଦନଗର ଅଂଚଳର ଉଚ୍ଚଶିକ୍ଷତ ଯୁବ ସମାଜସେବୀ କାମାକ୍ଷାପ୍ରସାଦ କର ବିଦେଶରୁ ଉଚ୍ଚ ଚାକିରୀ ପରିତ୍ୟାଗ କରି ଗତ ୧୦ ବର୍ଷ ଧରି ସମାଜସେବାରେ ମନୋନିବେଶ କରିଛନ୍ତି । ଏହି କ୍ରମରେ ଶ୍ରୀ କର ବର୍ଷ ତମାମ ସବୁଜିମା ପରିବେଶ ସୃଷ୍ଟି ପାଇଁ ବୃକ୍ଷରୋପଣ କାର୍ଯ୍ୟ ଜାରି ରଖିଛନ୍ତି । ଇତି ମଧ୍ୟରେ ଶ୍ରୀ କର ରାଜଧାନୀ ଭୁବନେଶ୍ୱରର ବିଭିନ୍ନ ଅଂଚଳରେ ୫୦ହଜାରରୁ ଅଧିକ ଚାର ବୃକ୍ଷ ରୋପଣ କରି ଉଦାହରଣ ସୃଷ୍ଟି କରିଛନ୍ତି । ଆଜି ଶ୍ରୀ କର ସହୀଦନଗର ଅଂଚଳରେ ପ୍ରାୟ ୫୦ଟିରୁ ଅଧିକ ବଉଳ, ଆମ୍ବ, କରଞ୍ଜ ଗଛ ରୋପଣ କରିଥିଲେ । ଏହି କାମରେ ସେ ସହିଦନଗର ଅଂଚଳର ସ୍ୱେଚ୍ଛାସେବୀମାନଙ୍କର ସହାୟତା ନେଉଛନ୍ତି ।
