ବଲାଙ୍ଗୀର,୬/୮- ବଲାଙ୍ଗୀର ଜିଲ୍ଲାରେ ଆଜି ୨୧ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଜିର ଆକ୍ରାନ୍ତଙ୍କୁ ମିଶାଇ ମୋଟ ସଂଖ୍ୟା ୫୫୧ପହଞ୍ଚିବା ବେଳେ ୩୬୨ ସୁସ୍ଥ ଓ ୧୮୯ ଜଣ ଚିକିତ୍ସିତ ହେଉଛନ୍ତି । ଆଜିର ଆକ୍ରାନ୍ତଙ୍କ ମଧ୍ୟରେ ୩ଜଣ ଶିଶୁ ୨ କରୋନା ଯୋଦ୍ଧାଙ୍କ ସମେତ ୧୦ମହିଳା ଓ ୧୧ପୁରୁଷ ଅଛନ୍ତି । ଜିଲ୍ଲା ସୂଚନା ଅଧିକାରୀଙ୍କ ତଥ୍ୟ ଅନୁସାରେ ଜେଲ କଲୋନୀ, ଇନ୍ଦିରା ନଗର, ବିଭୁତିପଡା, ସୁଦପଡା, ବେହେରାପାଲି, ତାଳପାଳିପଡା, ଟିକ୍ରାପଡା, ଡୁଙ୍ଗୁରିପଡା ଆଦି ବଲାଙ୍ଗୀର ସହରରେ ସଂଖ୍ୟା ୧୧ ବେଳେ କଂଟାବାଞି ସହରାଞ୍ଚଳରେ ୨ ଓ ବଲାଙ୍ଗୀର ବ୍ଳକ ଚୂଡାପାଲି ନିକଟସ୍ଥ ଚଟିଆପାଲି, ଖପ୍ରାଖୋଲର ଦେଧର ତଥା ପୁଇଁତଳା ବ୍ଳକ ଭୋଇପାଲିରୁ ଚିହ୍ନଟ ହୋଇଛନ୍ତି । ବଢୁଥିବା ସଂକ୍ରମଣକୁ ଚେକଦେବା ପାଇଁ ଜିଲ୍ଲାପାଳ ଅରିନ୍ଦମ୍ ଡାକୁଆ ଆସନ୍ତା ୮ତାରିଖରୁ ପୁଣିଥରେ ସଟ୍ ଡାଉନ୍ ଘୋଷଣା କରିଛନ୍ତି । ଏଠାରେ ସୂଚାଇ ଦିଆଯାଏ ଯେ, ଗତକାଲି ରାଧାରାଣୀପଡା, ହୀରାସାଗର ପଡା ପାଟଣାଗଡ ଓ ଦେଧର କଣ୍ଟେନମେଣ୍ଟ ଉଠାଯାଇଛି ।
