ବାଲିଗୁଡ଼ା/ତୁମୁଡ଼ିବନ୍ଧ,୧୭/୬- ଆଜି ତୁମୁଡିବନ୍ଧ ଠାରେ ବାଲିଗୁଡା ନିର୍ବାଚନ ମଣ୍ଡଳୀ ବିଧାୟକ ଶ୍ରୀ ଚକ୍ରମଣୀ କହଁରଙ୍କ ନେତୃତ୍ୱରେ ଯୁବ ବିଜେଡି ରାଜ୍ୟ ଯୁଗ୍ମ ସମ୍ପାଦକ ଚିନ୍ମୟ ସାହୁ, ଯୁବନେତା ଅଶ୍ୱିନ ସାହୁ ଏବଂ ସଂଜୀବ ବରାଡଙ୍କ ଦ୍ୱାରା ସାନିଟାଇଜେସନ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । କନ୍ଧମାଳ ଜିଲ୍ଲାରେ ଲକଡାଉନ ସାମାନ୍ୟ କୋହଳ ହୋଇଥିବାରୁ ସକାଳ ୬ରୁ ସନ୍ଧ୍ୟା ୫ଟା ପର୍ଯ୍ୟନ୍ତ ଦୋକାନ ବଜାର ଖୋଲା ରହିବା ପାଇଁ ସରକାର ପଦକ୍ଷେପ ନେଇଛନ୍ତି । ଏହି ପରିପକ୍ଷୀରେ କରୋନା ପ୍ରଭାବକୁ ଦୂର କରିବାପାଇଁ ସାନିଟାଇଜେସନ କାର୍ଯ୍ୟକ୍ରମ ଆୟୋଜିତ ହେବାସହ ତୁମୁଡିବନ୍ଧ ଏଚର ୫ଟି ଗ୍ରାମରେ ଶୁଖିଲା ଖାଦ୍ୟ ବଣ୍ଟନ କରାଯିବାସହ ଜନସାଧାରଣଙ୍କୁ ସଚେତନତା ମଧ୍ୟ କରାଯାଇଛି । ଏହି କାର୍ଯ୍ୟକ୍ରମ ସାମାଜିକ ଦୂରତା ରଖି କରୋନା ମହାମାରୀର ସମସ୍ତ ନିୟମାବଳୀକୁ ମାନି ଆୟୋଜନ କରାଯାଇଅଛି । ଯାହାକି ମେଡିକାଲ ଛକଠାରୁ ସକାଳ ୮ଘଣ୍ଟିିକାରୁ ଆରମ୍ଭହୋଇ ତୁମୁଡିବନ୍ଧ ହାଟପଦା ପର୍ଯ୍ୟନ୍ତ କରାଯାଇଛି । ଏହି କାର୍ଯ୍ୟକ୍ରମରେ ତୁମୁଡିବନ୍ଧ ଅଂଚଳର ସମସ୍ତ ଜନଗହଳି ସ୍ଥାନ, ବ୍ୟାଙ୍କ, ଏଟିଏମ ଏବଂ ବଜାର ମଧ୍ୟରେ ଥିବା ସମସ୍ତ ଦୋକାନ ସାନିଟାଇଜ କରାଯାଇଛି ।
ଏହି କାର୍ଯ୍ୟକ୍ରମରେ ପୂର୍ବତନ ବିଧାୟକ ଶ୍ରୀ ରାଜୀବ ପାତ୍ର, ବିଜେଡି ବ୍ଲକ ସଭାପତି ପ୍ରମୋଦ ସାହୁ, ବିଧାୟକ ପ୍ରତିନିଧି ଶ୍ୟାମ ସୁନ୍ଦର ବଡ଼ସେଟ, ବ୍ଲକ ଅଧକ୍ଷ ପ୍ରକାଶ ପାତ୍ର, ଜିଲ୍ଲାପରିଷଦ ସଭ୍ୟା ବାସନ୍ତୀ ପାତ୍ର, ସରପଞ୍ଚ ମୟନ୍ତୀ ପାଟମାଝି, କିସ ବ୍ଲକ ସଂଯୋଜକ ଦୀପକ ପାରାସେଟ, ବିଜେଡି ପଂଚାୟତ ସଭାପତି ଜିସାୟ ମଣ୍ଡଳ,ଛାତ୍ର ସଭାପତି ଧର୍ମପଦନାୟକ , ଯୁବ ସଭାପତି ପିଣ୍ଟୁ ଚାନ୍ଦ, ଛାତ୍ର ନେତା ସୁନୀଲ ପାତ୍ର ଏବଂ ବିଜେଡିର ଅନ୍ୟ ସମସ୍ତ କାର୍ଯ୍ୟକର୍ତ୍ତା ଉପସ୍ଥିତ ଥିଲେ । କାର୍ଯ୍ୟକ୍ରମକୁ ନେଇ ସ୍ଥାନୀୟ ଜନ ସାଧାରଣ ଯୁବନେତା ଚିନ୍ମୟ ସାହୁ, ଅଶ୍ୱିନ ସାହୁ ଏବଂ ସଂଜୀବ ବରାଡଙ୍କୁ ବେଶ ପ୍ରଶଂସା କରିଛନ୍ତି ।
