ବଲାଙ୍ଗୀର,୨୬/୭ -ଆଜି ଜିଲ୍ଲାର ୧୯ଜଣ ଆକ୍ରାନ୍ତଙ୍କ ମଧ୍ୟରେ ୧୨ ବଲାଙ୍ଗୀର ମ୍ୟୁନସିପାଲଟି ଅଞ୍ଚଳର, ଜଣେ କଣ୍ଟାବାଞ୍ଜି, ଜଣେ ବନଛୋରପାଲି (ଲୋଇସଂହା ) , ବଙ୍ଗମୁଣ୍ଡା କନ୍ଧବାହାଲରୁ ୩, ଦେଧର ଖପ୍ରାଖୋଲ ଜଣେ ଓ ପାଟଣାଗଡ ବ୍ଳକ ଉଲବାର ଜଣେ । ୧୧ ପୁରୁଷ ୫ମହିଳା ଓ ୨ଶିଶୁ ଅଛନ୍ତି । ବୁର୍ଲା ଭୀମସାର ଲିଙ୍କରୁ ୨ ଓ ଜଣେ ସଙ୍ଗରୋଧ କେନ୍ଦ୍ରରେ ଥିବା ପ୍ରବାସୀ ବ୍ୟତୀତ ଅନ୍ୟ ସମସ୍ତ ସ୍ଥାନୀୟ ସଂସ୍ପର୍ଶରେ ଆସି ସଂକ୍ରମିତ ବୋଲି ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ମୋଟ ଆକ୍ରାନ୍ତ ସଂଖ୍ୟା ୩୩୨ରେ ପହଞ୍ଚିବା ବେଳେ ୨୭୧ସୁସ୍ଥ ହୋଇଛନ୍ତି ଓ ୬୧ଜଣ ଚିକିତ୍ସିତ ହେଉଛନ୍ତି । ଜିଲ୍ଲା ପ୍ରଶାସନ ବେହେରାପାଲିକୁ କଣ୍ଟେନମେଣ୍ଟ ଘୋଷଣା କରିଛନ୍ତି । ନୂଆ ନୂଆ ଅଂଚଳକୁ ବ୍ୟାପୁଥିବା ସଂକ୍ରମଣ ଓ ବଢୁଥିବା ସ୍ଥାନୀୟ ସଂକ୍ରମଣ ଚିନ୍ତାର ବିଷୟ ହୋଇଛି । କଂଟାବାଞ୍ଜିି ସହରରେ ପହଞ୍ଚିଲା କରୋନା । ମୁଣ୍ଡ ଗଡି ନ ଥିଲେ ବି ବଲାଙ୍ଗୀର ସହରରେ ସହସ୍ରାଧିକ ଆକ୍ରାନ୍ତ ହେଲାଣି । ପରୀକ୍ଷା କମ୍ କରାଯାଉଥିବା ଅଭିଯୋଗ ହେଉଛି । ପରିସ୍ଥିତି ଜଟିଳ ହେବା ଆଗରୁ ପରୀକ୍ଷା ସଂଖ୍ୟା ବୃଦ୍ଧି ଓ ଟେଷ୍ଟ ସଂଖ୍ୟା ବିଷୟରେ ସୂଚନା ଦିଆଯିବାକୁ ଦାବୀ ହେଉଛି ।
