ବୌଦ୍ଧ – ହରଭଙ୍ଗା ବ୍ଲକ୍ ପୁରୁଣାକଟକ ଠାରେ ଥିବା ଗୋଟିଏ କବାଡି ଦୋକାନ ଆଗରୁ ବାଇକ ଚୋରୀ ଉଦ୍ୟମ କରୁଥିବା ବେଳେ ସ୍ଥାନୀୟ ଲୋକେ ଧରି ଉତ୍ତମ ମଧ୍ୟମ ଦେବା ପରେ ଚୋରକୁ ପୁରୁଣାକଟକ ପୋଲିସକୁ ହସ୍ତାନ୍ତର କରିଥିଲେ | ଲୋକଙ୍କୁ ଚକମା ଦେଇ ନପାରି ଧରା ପଡିଥିବା ଚୋର କିନ୍ତୁ ସଫଳ ହୋଇଥିଲା ପୋଲିସକୁ ଚକମା ଦେବାରେ l କରୋନା ପାଇଁ ଚୋରର ହାତକୁ ଜଣେ ପୋଲିସ କର୍ମଚାରୀ ଥାନାରେ ସାନିଟାଇଜ୍ କରାଉଥିବା ସମୟରେ ସୁଯୋଗ ଉଣ୍ଡି ପୋଲିସକୁ ଚକମା ଦେଇ ଫେରାର ମାରିଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଗତକାଲି ସନ୍ଧ୍ୟା ପ୍ରାୟ 5 ଘଣ୍ଟା ସମୟରେ ନିଜ କବାଡି ଦୋକାନ ଆଗରେ ରଖିଥିବା ଅରୁଣ ସାହୁଙ୍କ ବାଇକକୁ ଗଡ଼ାଇ ଗଡ଼ାଇ ଜଣେ ଯୁବକ ପଳାଉଥିବା ସମୟରେ ଲୋକେ ତାଙ୍କୁ ଗୋଡ଼ାଇ ଧରିଥିଲେ l ଚୋରକୁ ଉତ୍ତମ ମଧ୍ୟମ ଦେବା ପରେ ପୁରୁଣାକଟକ ପୋଲିସକୁ ଡାକି ଚୋରକୁ ହସ୍ତାନ୍ତର କରିଥିଲେ | ଶେଷରେ ଥାନାରୁ ଚୋର ଚମ୍ପଟ୍ ମାରିଥିଲା l ଲୋକ ମାନେ ଚୋର ଠାରୁ ପାଇଥିବା ସୂଚନା ଅନୁଯାୟୀ ଫେରାର ଅଭିଯୁକ୍ତ ଫୁଲବାଣୀ ସହର ଜିରୀଂଗ ପଡାର ଓ ତା ସହ ଅନ୍ୟ ଦୁଇ ଜଣ ମଧ୍ୟ ଆସିଥିଲେ l
