ବୌଦ୍ଧ,୧୮/୧୦ – ବୌଦ୍ଧସହରର ମାଳିସାହି ବିରାଜିତ ଶ୍ରୀ ଶ୍ରୀ ମା ଦୁର୍ଗା ଦେବୀଙ୍କ ପୀଠରେ ଶାରଦୀୟ ନବରାତ୍ର ପୂଜା ଆରମ୍ଭ ହୋଇଯାଇଛି । ଗତକାଲି ଶୁଭ ପ୍ରତିପଦା ଅବସରରେ ଆୟୋଜିତ କାର୍ଯ୍ୟକ୍ରମରେ ବେଲ ବରଣ, କଳସ ସ୍ଥାପନ, ପ୍ରହର ପୂଜା ଓ ଚଣ୍ଡି ପାଠ କାର୍ଯ୍ୟକ୍ରମରେ ପୂଜକ ପଦ୍ମ ଲୋଚନ ମିଶ୍ର ପୂଜା କାର୍ଯ୍ୟ ପରିଚାଳନା କରିଥିଲେ ଓ କର୍ତ୍ତା ଭାବରେ ସୂର୍ଯ୍ୟ କୁମାର ଶତପଥୀ ଓ ପୁରସ୍ତମ ମହାକୁଡ ଅଂଶଗ୍ରହଣ କରିଥିଲେ । ରାମନାଥ ଯୁବ ସଂସଦ ମାଳିସାହି ବୌଦ୍ଧ ଆନୁକୁଲ୍ୟରେ ଅନୁଷ୍ଠିତ ନବରାତ୍ର ପୂଜା କାର୍ଯ୍ୟକ୍ରମରେ ସଭାପତି ଶ୍ୟାମସୁନ୍ଦର ବାରିକ ଓ ସମ୍ପାଦକ ସୁଦର୍ଶନ ନାଏକଙ୍କ ସମେତ ସଦସ୍ୟ ବିରେନ୍ଦ୍ର ବଡମାଳୀ, ଅଶ୍ୱିନୀ ବାରିକ, ଲକ୍ଷ୍ମଣ ନାଏକ, ସୁଶୀଲ ପ୍ରଧାନ, ଦିଲ୍ଲିପ ନାଏକ ପ୍ରମୁଖ ନବରାତ୍ର ପୂଜା ଆୟୋଜନରେ ପ୍ରମୁଖ ଭୂମିକା ନିର୍ବାହ କରିଥିଲେ । ଯୁବ ସଂସଦର ସମସ୍ତ ସଦସ୍ୟ ଏହି ୯ଦିନ ଧରି ଅନୁଷ୍ଠିତ ହେବାକୁଥିବା ମା’ଙ୍କ ପୂଜା କାର୍ଯ୍ୟରେ ସଂପୂର୍ଣ୍ଣ ସହଯୋଗ କରୁଛନ୍ତି । ଚଳିତବର୍ଷ କୋଭିଡ୍ ମାର୍ଗଦର୍ଶିକା ଆଧାରରେ ପୂଜା କାର୍ଯ୍ୟ ଆୟୋଜିତ ହେଉଥିବା ସମ୍ପାଦକ ସୁଦର୍ଶନ ନାଏକ ପ୍ରକାଶ କରିଛନ୍ତି । ସମସ୍ତ କର୍ମକର୍ତ୍ତା କୋଭିଡ ନିୟମ ଅନୁଯାୟୀ ମାସ୍କ ପରିଧାନ କରିବା ସହିତ ସାମାଜିକ ଦୂରତା ରକ୍ଷାକରି ପୂଜା କରୁଛନ୍ତି ।
