ବୌଦ୍ଧ,୧୯/୧୦ – ବୌଦ୍ଧ ବନଖଣ୍ଡ କଣ୍ଟାମାଳ ରେଞ୍ଜ ଅନ୍ତର୍ଗତ ଲମ୍ବସରୀ ଗ୍ରାମ ପଞ୍ଚାୟତ ସେଲାମାଲ୍ ଗ୍ରାମରେ ନିର୍ମାଣ ଚାଲିଛି ବନ ବିଭାଗର ଜାଇକା ଗୃହ । ପ୍ରାୟ ୪ ଲକ୍ଷ ଟଙ୍କାର ଅଟକଳରେ ନିର୍ମିତ ହେଉଥିବା ଉକ୍ତ ଗୃହର ନିର୍ମାଣ କାର୍ଯ୍ୟ ବିଭାଗୀୟ କର୍ମଚାରୀମାନଙ୍କ ଦ୍ୱାରା ହେଉଥିବା ଜଣାପଡିଛି । ଜାଇକା ଗୃହ କାର୍ଯ୍ୟ ଚାଲିଥିବା ବେଳେ ଛାତକୁ ସଂଯୋଗ ପାଇଁ ହେଉଥିବା ପାହାଚର କଂକ୍ରିିଟ ଢଳେଇ କାମ କିଛି ଦିନ ହେଲା ସରିଛି । ଆଶ୍ଚର୍ଯ୍ୟର କଥା ପାହାଚ ପାଇଁ କରାଯାଇଥିବା ଢଳେଇ ଦବିଯାଇଥିବା ଦେଖିବାକୁ ମିଳୁଛି । ସେଥିପାଇଁ କାଠ ବଲହା ଢେରା ଦିଆଯାଇଥିବାବେଳେ ଏଭଳି ନିମ୍ନମାନର କାର୍ଯ୍ୟକୁ ନେଇ ଜନସାଧାରଣରେ ଆଲୋଚନା ହେଉଛି । ବୌଦ୍ଧ ବନଖଣ୍ଡ ଅଧିକାରୀ ଏ ଦିଗରେ ପଦକ୍ଷେପ ନେବାକୁ ଜନସାଧାରଣରେ ଦାବିହେଉଛି ।
