ବୌଦ୍ଧ/ବାଉଁଶୁଣୀ,୨୨/୧୧- ବୌଦ୍ଧଜିଲ୍ଲାର ଗୁଦୁଗୁଦା ହାଟପଦା ଠାରେ ଜିଲ୍ଲା ବାଜା ମାଲିକ ସଙ୍ଘର ନୂତନ ଭାବେ ଗଠନ ପାଇଁ ଏକ ସାମୁହିକ ବୈଠକ ଅନୁଷ୍ଠିତ ହୋଇଥିଲା । ଏଥିରେ ପଶ୍ଚିମ ଓଡିଶାର ବାଜା ମାଲିକ ସଙ୍ଘର ସଦସ୍ୟ ସୁଶୀଲ ମେହେରଙ୍କ ନେତୃତ୍ୱରେ ସଙ୍ଘ ଗଠନ କରାଯାଇଛି । ଏଥିରେ ବୌଦ୍ଧ ଜିଲ୍ଲାର ତିନୋଟି ବ୍ଲକର ବାଜା ମାଲିକ ମାନେ ଉପସ୍ଥିତ ରହି ନୂତନ ଭାବେ ବୌଦ୍ଧ ଜିଲ୍ଲା ବାଜା ମାଲିକ ସଙ୍ଘ ଗଠନ କରାଯାଇଛି ।ସର୍ବସମ୍ମତି କ୍ରମେ ଏଥିରେ ସଭାପତି-ସୁଶୀଲ କୁମାର ମେହେର,ଉପ ସଭାପତି-ସଲିମ ବେହେରା,ସମ୍ପାଦକ-ପ୍ରଶ୍ନାଜିତ ସାମଲ,ସହ ସମ୍ପାଦକ- ନାରାୟଣ ଥନାପାତି,କୋଷାଧ୍ୟକ୍ଷ- ଦିବାକର ବଘାର ମନୋନୀତ ହୋଇଥିଲେ । ଉପଦେଷ୍ଟା ମଣ୍ଡଳୀରେ
ପୁରନ୍ଦର ଠେଲା, ତ୍ରିଶୁଳ ବେହେରା, ଅର୍ଜୁନ ମେହେର ରହିଛନ୍ତି । ଆଗାମୀ ଦିନରେ କିଭଳି ଭାବରେ ବୌଦ୍ଧରେ ସଙ୍ଘ ସୁଦୃଢ ହେବ ସେ ନେଇ କାର୍ଯ୍ୟ କରିବ ବୋଲି ସଙ୍ଘର ସଦସ୍ୟ ଦିବାକର ବଘାର ପ୍ରକାଶ କରିଥିଲେ ।
