ବୌଦ୍ଧ,୨୭/୧ – ଆଜି ବୌଦ୍ଧବ୍ଲକ୍ ଖୁଣ୍ଟବନ୍ଧ ଗ୍ରାମ ପଞ୍ଚାୟତ ଚଣ୍ଡିଗଡ ଗ୍ରାମରେ ଧାନ ଖରୀରେ ନିଆଁ ଲାଗି ଭସ୍ମୀଭୂତ ହୋଇ ଯାଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଚଣ୍ଡିଗଡ ଗ୍ରାମର ଚାଷୀ ଲିଙ୍ଗରାଜ ଧଳ ନିଜ ୨ ଏକର ଜମିର ଧାନ କାଟିବା ପରେ ଖଳାରେ ଗଚ୍ଛିତ ରଖିଥିଲେ । ଆଜି ସକାଳେ ସେଥିରେ ଅଗ୍ନିକାଣ୍ଡ ଘଟି ଭସ୍ମୀଭୂତ ହୋଇ ଯାଇଛି । ଗାଆଁ ପାଖରେ ଏକ ବିଦ୍ୟୁତ ଟାୱାର ପାଖରେ ଅଗ୍ନିକାଣ୍ଡ ଘଟି ଥିବାରୁ ନିଆଁକୁ ଆୟତ୍ତ କରିବା ପାଇଁ ଗ୍ରାମବାସୀ ଲାଗି ପଡିଥିଲେ । ଖବର ପାଇ ବୌଦ୍ଧ ଅଗ୍ନିଶମ ବାହିନୀ ମଧ୍ୟ ପହଞ୍ଚିଥିଲା ।
