ବୌଦ୍ଧ, ୧୪/୮ – ଆଜି ବୌଦ୍ଧ ଜିଲ୍ଲାରୁ ୫ ଜଣ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି । ପୁର୍ବରୁ ୨୫୨ ଜଣ ଓ ଆଜିର ୫ କରୋନା ପଜିଟିଭ ସଂଖ୍ୟା ମିଶାଇଲେ ଜିଲ୍ଲାରେ ମୋଟ କରୋନା ପଜିଟିଭ ସଂଖ୍ୟା ୨୫୭ ରେ ପହଞ୍ଚିଲା । ଆଜି ଯେଉଁ ୫ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି ସେମାନଙ୍କ ମଧ୍ୟରେ ପୁରୁଣାକଟକରୁ ୪ ଓ ନାରାୟଣ ନଗରରୁ ୧ ବୋଲି ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ବର୍ତ୍ତମାନ ସମସ୍ତ ବ୍ଲକସ୍ତରରେ ବିନା ମୂଲ୍ୟରେ ଆଣ୍ଟିଜେନ ଟେଷ୍ଟ ଚାଲୁଥିବା ଯୋଗୁଁ ଜିଲ୍ଲାରେ ଦୈନନ୍ଦିନ ପଜିଟିଭ ଚିହ୍ନଟ ହେଉଥିବା ଜଣାପଡିଛି । ଲୋକମାନେ ସ୍ୱତଃପ୍ରବୃତ୍ତ ଭାବେ ଆସି ବିନା ଭୟରେ ରାପିଡ୍ ଆଣ୍ଟିଜେନ୍ ଟେଷ୍ଟ କରାଇ ନେବାକୁ ସିଡିଏମଓ ଅନୁରୋଧ କରିଛନ୍ତି । ସମସ୍ତେ ଟେଷ୍ଟ କରାଇ ନେଲେ ତାପରେ ଆମେ କରୋନାକୁ ପ୍ରତିହତ କରି ପାରିବା ବୋଲି ଡାକ୍ତର ପ୍ରଧାନ ପ୍ରକାଶ କରିଛନ୍ତି । ଯେଉଁ ଗାଆଁ ମାନଙ୍କରେ ଅଧିକ ସଂଖ୍ୟକ ପଜିଟିଭ ଚିହ୍ନଟ ହୋଇଛନ୍ତି ସେ ଗାଆଁରେ ସମସ୍ତଙ୍କ ଆଣ୍ଟିଜେନ ଟେଷ୍ଟ କରାଯାଉଛି । ସେହିପରି ଅନ୍ୟମାନେ ମଧ୍ୟ ନିଜେ ଆସି ଟେଷ୍ଟ କରାଇନେବା ଆବଶ୍ୟକ ବୋଲି ସ୍ୱାସ୍ଥ୍ୟ ବିଭାଗ ପକ୍ଷରୁ ଅନୁରୋଧ କରାଯାଇଛି ।
