ବୌଦ୍ଧ/ବାଉଁଶୁଣୀ,୨୬/୪- ବୌଦ୍ଧବ୍ଲକ ବାଉଁଶୁଣୀ ସରକାରୀ ନୋଡାଲ ଉଚ୍ଚ ବିଦ୍ୟାଳୟ ପ୍ରାଙ୍ଗଣରେ ମୋ ସ୍କୁଲ୍ ଅଭିଯାନ ଆନୁକୁଲ୍ୟରେ ବିଦ୍ୟାଳୟର ପ୍ରଧାନ ଶିକ୍ଷକ ପଞ୍ଚାନନ ମିଶ୍ରଙ୍କ ଆବାହାକତ୍ୱରେ ଏବଂ ସଭାପତି-ଘମୁଡୁ ଦନ୍ତାଙ୍କ ଅଧ୍ୟକ୍ଷତାରେ କୋଭିଡ ନିୟମ ମାନି ଏକ ସଭା ଅନୁଷ୍ଠିତ ହୋଇଥିଲା । ସଭାରେ ବିଭିନ୍ନ ମାନ୍ୟଗଣ୍ୟ ବ୍ୟକ୍ତିଙ୍କ ସମେତ ସ୍କୁଲର ପୋଷ୍ୟ ଗ୍ରହୀତା ଡାକ୍ତର ରାଜେଶ ତ୍ରିପାଠୀ, ଅବସରପ୍ରାପ୍ତ ବିଇଓ- ଦଶରଥ ମେହେର, ମାଁ ମାହେଶ୍ୱରୀ ଡିଗ୍ରୀ କଲେଜ ଅଧ୍ୟକ୍ଷ ଅନିରୁଦ୍ଧ ମହାକୁଳ ପ୍ରମୁଖ ଉପସ୍ଥିତ ଥିଲେ । ଏହାପୂର୍ବରୁ ଭର୍ଚୁଆଲ ମୋଡରେ ଇଂ. ରାକେଶ ତ୍ରିପାଠୀଙ୍କ ସମେତ ବହୁପୁରାତନ ଛାତ୍ରଛାତ୍ରୀମାନେ ଯୋଡ଼ି ହୋଇଥିଲେ । ଏହି ବୈଠକ ପୋଷ୍ୟ ଗ୍ରହୀତା ଡାକ୍ତର ରାଜେଶ ତ୍ରିପାଠୀ ସ୍କୁଲର ପ୍ରଧାନ ଶିକ୍ଷକ ତଥା ମୋ ସ୍କୁଲ ଅଭିଯାନର ସଭାପତିଙ୍କୁ ଏକ ଲକ୍ଷ ଟଙ୍କାର ସହାୟତା ରାଶି ପ୍ରଦାନ କରିଥିଲେ । ଏହି ସଭାରେ ଆହୁରି ଅନେକ ପୁରାତନ ଛାତ୍ରଛାତ୍ରୀ ଓ ଅଭିଭାବକ ତଥା ଜନସାଧାରଣ ଯୋଡ଼ିହୋଇ ୫ଟି ଆଭିମୁଖ୍ୟରେ ସ୍କୁଲ ରୁପାନ୍ତରଣ ପ୍ରକ୍ରିୟାରେ ସଫଳତା ପାଇଁ ସଂକଳ୍ପ ନେଇଥିଲେ ।
