ବୌଦ୍ଧ/ବାଉଁଶୁଣୀ ୨୨/୫ – ବୌଦ୍ଧ ବ୍ଳକ ବାଉଁଶୁଣୀ ପଞ୍ଚାୟତ ଅନ୍ତର୍ଗତ ଡିମିରିପାଲି ଓ ଜମଘାଟି ଗ୍ରାମରେ କ୍ରମାଗତ ଭାବରେ କରୋନା ଆକ୍ରାନ୍ତ ଚିହ୍ନଟ ହୋଇଥିବା ଜଣାପଡିଛି । ସଂକ୍ରମଣ ବାହ୍ୟ ଗ୍ରାମକୁ ଯେପରି ନ ବ୍ୟାପେ ସେଥିପାଇଁ ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ବାଉଁଶୁଣୀ ପଞ୍ଚାୟତ ନିର୍ବାହୀ ଅଧିକାରୀ ପ୍ରାଣବନ୍ଧୁ ପ୍ରଧାନ ଉଭୟ ଗ୍ରାମକୁ ଯାଇ ୨୯ ତାରିଖ ପର୍ଯ୍ୟନ୍ତ ଜମଘାଟି ଓ ଡିମିରିପାଲି ଗ୍ରାମକୁ କଣ୍ଟେନମେଣ୍ଟ ଯୋନ ଘୋଷଣା କରିଛନ୍ତି ଏବଂ ଗାଁ ମୁଣ୍ଡରେ କଣ୍ଟା ଘେରାଦେଇ ସିଲ କରିଛନ୍ତି । ଏହି ସମୟରେ ଅତ୍ୟାବଶ୍ୟକ ସାମଗ୍ରୀ ବ୍ୟତୀତ, ସ୍ୱାସ୍ଥ୍ୟସେବା ପାଇଁ କେବଳ ବାହାରକୁ ଲୋକ ବାହାରି ପାରିବେ । ୨୮ ତାରିଖ ପର୍ଯ୍ୟନ୍ତ ବାହାର ଗାଁର ଲୋକ ଉଭୟ ଗ୍ରାମକୁ ଓ ଉଭୟ ଗ୍ରାମରୁ ଅନ୍ୟଗ୍ରାମକୁ ନଯିବାପାଇଁ ଡ଼ାକବାଜି ଯନ୍ତ୍ର ସାହାଯ୍ୟରେ ଘୋଷଣା କରାଯାଇଛି । ଏହାକୁ ଅବମାନନା କଲେ କୋଭିଡ-୧୯ ଆଇନ ଅନୁଯାୟୀ ଦଣ୍ଡିତ ହେବେ ବୋଲି କହିଛନ୍ତି ।
