ବୌଦ୍ଧ,୧/୬- ବୌଦ୍ଧ ପଞ୍ଚାୟତ ମହାବିଦ୍ୟାଳୟର ୨ଜଣ ବରିଷ୍ଠ କର୍ମଚାରୀ ଗତକାଲି ଚାକିରୀରୁ ଅବସରଗ୍ରହଣ କରିଛନ୍ତି । କଲେଜର ଲାଇବ୍ରେରୀଆନ ଶଙ୍କର ପ୍ରସାଦ ମିଶ୍ର (ଶଙ୍କର ଦାଦା) ଓ ବରିଷ୍ଠ କିରାଣୀ ଦେବରାଜ ଘଡେଇ (ଘଡେଇ ବାବୁ) ତାଙ୍କ ଦୀର୍ଘସମୟର କଲେଜ ଚାକିରୀ ଜୀବନ ଗତକାଲି ସମାପ୍ତ କରିଛନ୍ତି ।
ଉଭୟେ ୩ ଦଶନ୍ଧିରୁ ଅଧିକ ସମୟ ଏହି କଲେଜରେ ସେମାନଙ୍କ ସେବା ଯୋଗାଇଥିଲେ । କଲେଜର ଅଧ୍ୟକ୍ଷ ପ୍ରକାଶ ଚନ୍ଦ୍ର ବେହେରାଙ୍କ ଅଧ୍ୟକ୍ଷତାରେ ଉଭୟଙ୍କୁ ଅବସରକାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । କଲେଜର ଅଧ୍ୟାପକ ଓ କର୍ମଚାରୀମାନେ ଉପସ୍ଥିତ ରହି ସେମାନଙ୍କୁ ସମ୍ବର୍ଦ୍ଧିତ କରିଥିଲେ ।
