ବୌଦ୍ଧ,୨୬/୧୨ – ଆଜି ଛତ୍ରଙ୍ଗଠାରେ ଭାରତୀୟ କମ୍ୟୁନିଷ୍ଟ ପାର୍ଟି (ସିପିଆଇ) ପକ୍ଷରୁ ୯୬ତମ ପ୍ରତିଷ୍ଠାଦିବସ ଓ ସାଂଗଠନିକ କନେଭନସନ ଅନୁଷ୍ଠିତ ହୋଇଯାଇଛି । ଏହି ଅବସରରେ ପାର୍ଟିର ପତାକାକୁ ବର୍ଷୀୟାନ୍ ସାଥି ଶିବ ଜାନୀ ଉତ୍ତୋଳନ କରିବାସହ ସାଥି ପବିତ୍ର ବେହେରାଙ୍କ ସଭାପତିତ୍ୱରେ ଅନୁଷ୍ଠିତ କନଭେନସନରେ ପ୍ରାକ୍ତନ ଜିଲ୍ଲାସମ୍ପାଦକ ଅବକାଶ ସାହୁ କମ୍ୟୁନିଷ୍ଟ ପାର୍ଟିର ଗୌରବମୟ ତ୍ୟାଗ ଓ ସଂଗ୍ରାମମୟ ୯୫ବର୍ଷର ଇତିହାସ ସମ୍ପର୍କରେ ଆଲୋଚନା ସହ ବର୍ତ୍ତମାନର ରାଜନୈତିକ ପରିସ୍ଥିତି ସମ୍ପର୍କରେ ଆଲୋଚନା କରିଥିଲେ । ପରିଶେଷରେ ଏକ ୨୭ଜଣିଆ ଜିଲ୍ଲାପରିଷଦ ପୁନଃର୍ଗଠନ ସହ ବୌଦ୍ଧଜିଲ୍ଲା ସମ୍ପାଦକ ଭାବେ ପ୍ରଦୀପ କୁମାର ମହାକୁଡ, ସହସମ୍ପାଦକ ଭାବେ ଜୟନ୍ତ ଦେହୁରୀ ଓ ନେତ୍ରାନନ୍ଦ କହଁର ଏବଂ କୋଷାଧକ୍ଷ ରୂପେ ସାଥି ଭୀମସେନ ଘିବେଲା ପ୍ରମୁଖ ନିର୍ବାଚିତ ହୋଇଥିଲେ । ଶେଷରେ ନୂତନ ନିର୍ବାଚିତ ସହସମ୍ପାଦକ ସାଥି.ଜୟନ୍ତ କୁମାର ଦେହୁରୀ ଧନ୍ୟବାଦ ଅର୍ପଣ କରିଥିଲେ । ଏଥିରେ ଅନ୍ୟମାନଙ୍କ ମଧ୍ୟରେ ଭିକାରୀ ଭୋଇ, ପ୍ରଦୀପ କୁମାର ସାହୁ, ସୁଧାଂଶୁ ପ୍ରଧାନ, ସତ୍ୟ କଁହର, ସନ୍ତୋଷ ପ୍ରଧାନ, ସାଗର ଦଳବେହେରା ପ୍ରମୁଖ ଯୋଗଦେଇଥିଲେ ।
