ବୌଦ୍ଧ,୨୩/୪- ବୌଦ୍ଧବ୍ଲକ୍ ଅଁଳାପାଲି ଗ୍ରାମରେ ଲୋକଙ୍କ ଘରର ଆବର୍ଜନା ପାଣି ରାସ୍ତାଉପରେ ପ୍ରବାହିତ ହେଉଥିବାବେଳେ ରାସ୍ତାରେ ଜମିରହି ଗନ୍ଧମୟ ପରିବେଶ ସୃଷ୍ଟି କରୁଛି । ଗାଆଁର ଦାଣ୍ଡରେ ପାଦରେ ଚାଲି ଚାଲି ଗଲେ ଲୋକେ ଆବର୍ଜନା ପାଣି ମାଡିମାଡି ଯାଉଥିବା ଦେଖିବାକୁ ମିଳୁଛି । ଲୋକେ ଆବର୍ଜନା ପାଣି ଦାଣ୍ଡକୁ ନିଷ୍କାସନ କରୁଥିବାରୁ ଓ ଡ୍ରେନ ପୋତି ହୋଇ ଯାଇଥିବା କାରଣରୁୂ ପାଣି ରାସ୍ତାରେ ପ୍ରବାହିତ ହେଉଛି । ଗ୍ରାମ ପଞ୍ଚାୟତ କର୍ତୃପକ୍ଷ ବର୍ଷବର୍ଷ ଧରି ଡ୍ରେନ ମଧ୍ୟରୁ ମାଟି ଓ ଅଳିଆ ଆବର୍ଜନା ସଫା କରୁନାହାନ୍ତି । ଫଳରେ ଗ୍ରାମବାସୀଙ୍କ ମନରେ ଅସନ୍ତୋଷ ଦେଖାଦେଇଛି । ତୁରନ୍ତ ଏ ଦିଗରେ ପଦକ୍ଷେପ ନେବାକୁ ଜନସାଧାରଣରେ ଦାବି ହେଉଛି ।
