ହରଭଙ୍ଗା,୨୯/୫- ବୌଦ୍ଧଜିଲ୍ଲା ହରଭଙ୍ଗାବ୍ଲକ ସାଂପୋଚ ପଞ୍ଚାୟତ ଶ୍ୟାମସୁନ୍ଦରପୁର ଗ୍ରାମରେ ତିନିମାସ ହେଲା ଷ୍ଟାଣ୍ଡପୋଷ୍ଟ ଅଚଳ ଥିବାରୁ ପିଇବାପାଣି ପାଇଁଁ ଗ୍ରାମବାସୀ ହନ୍ତସନ୍ତ ହେଉଥିବା ନେଇ ଅଭିଯୋଗ ହେଉଛି । ବର୍ତ୍ତମାନ ପ୍ରବଳ ଖରା ହେଉଥିବାବେଳେ ଗ୍ରାମର ପିଇବାପାଣିର ସମସ୍ୟା ବିଶେଷଭାବେ ଦେଖାଦେଇଛି । ଏହି ଷ୍ଟାଣ୍ଡପୋଷ୍ଟ ଉପରେ ଗ୍ରାମର ୧୦୦ ପରିବାର ନିର୍ଭର କରୁଥିବାବେଳେ ତାହା ତିନିମାସ ହେଲା ଅଚଳ ଅବସ୍ଥାରେ ପଡିଛି । ବାରମ୍ବାର ଅଭିଯୋଗ କଲେ ମଧ୍ୟ୍ୟ କୌଣସି ସୁଫଳ ମିଳିନାହିଁ । ଏହି ସମସ୍ୟାର ଶୀଘ୍ର ସମାଧାନ କରି ପାଣି ଯୋଗାଇ ଦେବାକୁ ମନୋଜ ଭୋକ୍ତା, ଘୁନୁ ପ୍ରଧାନ, ପଂଚୁ ବାଘ, ବିଭି ସେଠୀ, ପ୍ରମୋଦ ଭୋକ୍ତା, ଅଭିମନ୍ୟୁ ପ୍ରଧାନ ପ୍ରମୁଖ ଗ୍ରାମବାସୀ ଦାବି କରିଛନ୍ତି ।
