ବୌଦ୍ଧ/ବାଉଁଶୁଣୀ,୧୧/୩- ଆଜି ସକାଳ ପ୍ରାୟ ଘ୯. ୩୦ ମିନିଟ ସମୟରେ ଜାତୀୟ ରାଜପଥ ନମ୍ବର ୫୭ର ବାଉଁଶୁଣି ଥାନା ଦନ୍ତାପାଲି ଗ୍ରାମ ନିକଟରେ କୁକୁରସହ ଧକ୍କାହୋଇ ଗୋଟିଏ ବାଇକ ଦୁର୍ଘଟଣାଗ୍ରସ୍ତ ହେବାରୁ ସେଥିରେ ବସିଥିବା ୩ ଜଣ ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ବୌଦ୍ଧବ୍ଲକ୍ ମନମୁଣ୍ଡା ଥାନା ଖଲିଆପାଲି ଗ୍ରାମର ସଚିଦାନନ୍ଦ ମେହେର (୨୧) ଆଜି ସକାଳେ ଏକ ବାଇକ ଯୋଗେ ଦୁଇ ଜଣ ସମ୍ପର୍କୀୟ ମହିଳାଙ୍କୁ ବସାଇ ତେଲିବନ୍ଧ ଗ୍ରାମ ପଞ୍ଚାୟତ କମ୍ପରା ଗ୍ରାମକୁ ଛାଡି ଆଣୁଥିବା ବେଳେ ଜାତୀୟ ରାଜପଥ ନମ୍ବର ୫୭ର ଦନ୍ତାପାଲି ନିକଟ ଅନୁପ ଢାବା ସାମ୍ନାରେ ବାଇକସହ ରାସ୍ତାରେ ଯାଉଥିବା ଗୋଟିଏ କୁକୁରସହ ଧକ୍କା ହୋଇଥିଲା । ଫଳରେ ବାଇକରେ ଥିବା ୩ ଜଣ ଆରୋହୀ ଗୁରୁତର ଆହତ ହୋଇଥିଲେ । ଦୁର୍ଘଟଣାସ୍ଥଳରେ କୁକୁର ମରିଯାଇଥିବା ଜଣାପଡିଛି । ଖବରପାଇ ବାଉଁଶୁଣୀ ଦମକଳ ବାହିନୀ ଆହତଙ୍କୁ ଉଦ୍ଧାର କରି ବାଉଁଶୁଣୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲା । ସେମାନଙ୍କ ଅବସ୍ଥା ଗୁରୁତର ଥିବାରୁ ସୋନପୁର ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ସୁଚନା ମିଳିଛି ।
