ବୌଦ୍ଧ,୧୫/୮- କରୋନାରେ ଗୁରୁତର ଭାବେ ଆକ୍ରାନ୍ତ ରୋଗୀଙ୍କୁ ଜରୁରୀକାଳୀନ ଚିକିତ୍ସା ସେବା ଯୋଗାଇ ଦେବା ପାଇଁ ଆଜି ୬ ଗୋଟି ଇନସେଣ୍ଟିଭ କେୟାର ୟୁନିଟ୍ ଉଦଘାଟିତ ହୋଇଯାଇଛି । ପୁରୁଣା ଜେଲ୍ ପରିସରରେ ପ୍ରତିଷ୍ଠା କରାଯାଇଥିବା ଏହି ଇନସେଣ୍ଟିଭ କେୟାର ୟୁନିଟର ସୁବିଧା ବୌଦ୍ଧଜିଲ୍ଲା ସମେତ ପଡୋଶୀ ସୋନପୁର, ବଲାଙ୍ଗୀର, ନୟାଗଡ ଜିଲ୍ଲାର ଗୁରୁତର କରୋନା ରୋଗୀମାନଙ୍କୁ ମିଳିବ ବୋଲି ଜଣାପଡିଛି ।
ଆଜି ସନ୍ଧ୍ୟାରେ ଅନୁଷ୍ଠିତ ଉଦଘାଟନୀ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ବିଧାୟକ ପ୍ରଦୀପ ଅମାତ ଯୋଗ ଦେଇଥିଲେ । ସେହିପରି ସମ୍ମାନିତ ଅତିଥି ଭାବେ ଜିଲ୍ଲାପାଳ ଲଲାଟେନ୍ଦୁ ମିଶ୍ର, ଆରକ୍ଷୀ ଅଧିକ୍ଷକ ଭି ରଘୁନାଥ ରାଓ, ଅତିରିକ୍ତ ଜିଲ୍ଲାପାଳ ଏନସି ଜ୍ୟୋତିରଂଜନ ନାଏକ, ଉପ ଜିଲ୍ଲାପାଳ ଅଶ୍ୱିନୀ କୁମାର ମେହେର ଓ ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ଯୋଗ ଦେଇଥିଲେ ।
