ବୌଦ୍ଧ,୭/୬ – ବୌଦ୍ଧଜିଲ୍ଲା କଣ୍ଟାମାଳ ବ୍ଲକ୍ ଦପଲା ଗ୍ରାମ ପଞ୍ଚାୟତ ବଉଳସିଙ୍ଗା ଗ୍ରାମ ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟି ଜଣକର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଆଜି ସକାଳ ପ୍ରାୟ ୯ ଘଣ୍ଟା ସମୟରେ କଣ୍ଟାମାଳ ବ୍ଲକ୍ ଦପଲା ରାସ୍ତାର ବଉଳ ସିଙ୍ଗା ଗ୍ରାମ ନିକଟରେ ଥିବା ବୁଲାଣିଆ ରାସ୍ତାରେ ଦୁଇଟି ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଦପଲା ଗ୍ରାମ ପଞ୍ଚାୟତ ପ୍ରଧାନପାଲି ଗ୍ରାମର ସଞ୍ଜୀବ ପ୍ରଧାନ (୩୦) ଓ ଦପଲା ଗ୍ରାମର ରଙ୍କନିଧୀ ଦନ୍ତା (୩୬) ଗୋଟିଏ ବାଇକରେ ଦପଲା ପଟରୁ ଆସୁଥିବା ବେଳେ ଯୋଗୀନ୍ଦ୍ରପୁର୍ ଗ୍ରାମପଞ୍ଚାୟତ ଡୁମେର ମୁଣ୍ଡା ଗ୍ରାମର ସତ୍ୟବାନ କର୍ଣ୍ଣ (୩୫) ଅନ୍ୟ ଏକ ବାଇକରେ ଦପଲା ଆଡକୁ ଯାଉଥିଲେ । ବଉଳ ସିଙ୍ଗା ଗ୍ରାମ ନିକଟରେ ଥିବା ବୁଲାଣିଆ ରାସ୍ତାରେ ଉଭୟ ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଫଳରେ ଡୁମେର ମୁଣ୍ଡା ଗ୍ରାମର ସତ୍ୟବାନ କର୍ଣ୍ଣ ଘଟଣା ସ୍ଥଳରେ ମୃତ୍ୟୁବରଣ କରିଥିଲେ । ଅନ୍ୟ ବାଇକର ଆରୋହୀ ସଞ୍ଜୀବ ଓ ରଙ୍କନିଧୀ ଗୁରୁତର ଆହତ ଅବସ୍ଥାରେ ସୋନପୁର ଜିଲ୍ଲା ଡାକ୍ତରଖାନାରେ ଭର୍ତ୍ତିର୍ି ହୋଇଥିବା ଜଣାପଡିଛି ।
