ବୌଦ୍ଧ,୧/୬- ଜୟ ଭୈରବୀ କ୍ଲବ ବୌଦ୍ଧ ତରଫରୁ ଆଜି ଦୈନିକ ବଜାର ବସିଥିବା ଭୈରବୀ ଛକଠାରୁ ଗାନ୍ଧୀଛକ, ପୋଷ୍ଟଅଫିସ ଛକ ପର୍ଯ୍ୟନ୍ତ ଗ୍ରାହକ ଓ ଦୋକାନୀଙ୍କୁ ମାସ୍କ ବଣ୍ଟନ କରିବା ସହିତ କରୋନା ସଚେତନତା କରାଯାଇଥିଲା । ଦିନକୁଦିନ କରୋନା ଜିଲ୍ଲାରେ କାୟା ବିସ୍ତାର କରୁଥିବାବେଳେ ଆମେ ଯଦି ସଚେତନ ରହିବା ତାହାଲେ ବହୁମାତ୍ରାରେ ଏହି ରୋଗକୁ ପ୍ରତିହତ କରିପାରିବା ବୋଲି କ୍ଲବ ସଭାପତି ନିରୋଦ ମେହେର ପ୍ରକାଶ କରିଥିଲେ ।
ଏଥିପାଇଁ ସମସ୍ତଙ୍କୁ ମାସ୍କ ପରିଧାନ କରିବାକୁ, ବାହାରକୁ ଯାଇ ଘରକୁ ଫେରିଲେ ସାବୁନରେ ହାତ ଧୋଇବାକୁ ଓ ସାନିଟାଇଜର ବ୍ୟବହାର, ସାମାଜିକ ଦୂରତା ରକ୍ଷାକରିବାକୁ କ୍ଲବ ତରଫରୁ ସଚେତନ କରାଯାଇଥିଲା । ସମସ୍ତଙ୍କୁ ଘରେ ରହିବାକୁ ପରାମର୍ଶ ଦେବାସହ ଜରୁରୀ ନଥିଲେ ଘରୁ ବାହାରକୁ ବାହାରିବା ନାହିଁ, ସଚେତନତା ହିଁ ସୁରକ୍ଷା କବଚ ବୋଲି କୁହାଯାଇଥିଲା । ଏହି ସଚେତନତା କାର୍ଯ୍ୟକ୍ରମରେ ସଂପାଦକ କୈଳାସ ବେହେରାଙ୍କ ସମେତ କ୍ଲବର ଅନ୍ୟସଦସ୍ୟମାନେ ଯୋଗଦେଇଥିଲେ ।
