ବୌଦ୍ଧ: ପୁଣି ୫ମିନିଟ୍ରେ ସରିଗଲା ୧୮ଶହ ସ୍ଲଟ ବୁକିଙ୍ଗ, ପହଞ୍ଚିଲାଣି ଆହୁରି ଟିକା, ବ୍ଲକସ୍ତରରେ ହେବ ଟିକାକରଣ
ବୌଦ୍ଧ,୨୦/୬- ବୌଦ୍ଧ ଟାଉନହଲଠାରେ ୧୮ ରୁ ୪୪ ବର୍ଷ ବୟସ୍କଙ୍କ ପାଇଁ ତୃତୀୟ ପର୍ଯ୍ୟାୟ ଟିକାକରଣ ଆସନ୍ତାକାଲି ହେବ । ଆଜି (ରବିବାର) ଦିନ ୧ଘଣ୍ଟା ସମୟରେ ସ୍ଲଟ ଖୋଲାଯିବାପରେ ୫ମିନିଟରେ ମଧ୍ୟରେ ୨୧, ୨୨ ଓ ୨୩ ତାରିଖ ପାଇଁ ଧାର୍ଯ୍ୟ ପ୍ରତ୍ୟେକ ଦିନର ୬୦୦ ଲେଖାଏଁ ଟିକା ବୁକିଙ୍ଗ ଶେଷ ହୋଇଯାଇଛି । କିନ୍ତୁ ଯଦି ସ୍ଲଟ ବୁକିଂ କରିଥିବା ବ୍ୟକ୍ତି ଟିକା ନେବାରେ ବିଫଳ ହୁଅନ୍ତି ତେବେ ପଞ୍ଜିକରଣ କରିଥିବା ହିତାଧିକାରୀ ସ୍ପଟକୁ ଆସି ଟିକାନେବାକୁ ସମର୍ଥ ହେବେ । ପୁଣିଥରେ ୨୪, ୨୫, ୨୬ ତାରିଖ ପାଇଁ ଚତୁର୍ଥ ପର୍ଯ୍ୟାୟ ଟିକାକରଣ ହେବ । ଏଥିପାଇଁ ୨୩ ତାରିଖ ଦିନ ଗୋଟାଏପରେ ପୁଣି ସ୍ଲଟ ବୁକିଂ ହୋଇପାରିବ । ଗତକାଲି ସନ୍ଧ୍ୟାରେ ବୌଦ୍ଧଜିଲ୍ଲାକୁ ୨୫ଶହ ଟିକା ଆସି ପହଞ୍ଚିଛି । ଜିଲ୍ଲା ମୁଖ୍ୟାଳୟ ବ୍ୟତୀତ ବ୍ଲକସ୍ତରରେ ଟିକାକରଣ ପାଇଁ ଆଜି ଭିଡିଓ କନଫରେନସିଂ ଜରିଆରେ ବୈଠକ କରାଯାଇଛି ।
