ବୌଦ୍ଧ,୬/୧- ଗତକାଲି ରାତି ପ୍ରାୟ ୧୦ ଘଣ୍ଟା ସମୟରେ ହରଭଙ୍ଗା ବ୍ଲକ ବନ୍ଧାପଥର ଗ୍ରାମରେ ଆକସ୍ମିକ ଅଗ୍ନିକାଣ୍ଡ ଘଟି ଖଳାରେ ରଖିଥିବା ୨ଜଣ ଚାଷୀଙ୍କ ୩ ଗୋଟି ଧାନ ଖରୀ ଭସ୍ମୀଭୂତ ହୋଇଯାଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଗତ ରାତି ପ୍ରାୟ ୧୦ ଘଣ୍ଟା ସମୟରେ ବନ୍ଧାପଥର ଗ୍ରାମର ଚାଷୀ ଗଜେନ୍ଦ୍ର ପ୍ରଧାନଙ୍କ ଗୋଟିଏ ଓ ସାନୁଜ ପ୍ରଧାନଙ୍କ ଦୁଇଟି ଧାନ ଖରୀରେ ହଠାତ୍ ନିଆଁ ଲାଗିଯାଇଥିଲା । କେହି ଦୁର୍ବୃତ୍ତ ନିଆଁ ଲଗାଇ ଦେଇଥିବା ସନ୍ଦେହ କରାଯାଉଛି । ବୌଦ୍ଧ ଦମକଳ ବାହିନୀ ସେଠାରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ଉଭୟ ଚାଷୀଙ୍କୁ ସରକାରୀ ସହାୟତା ଯୋଗାଇ ଦେବାକୁ ସରପଞ୍ଚ ରମାକାନ୍ତ ପ୍ରଧାନ ଦାବୀ କରିଛନ୍ତି ।
