ବୌଦ୍ଧ,୨୯/୫- ବୌଦ୍ଧ ବିଜ୍ଞାପିତ ଅଞ୍ଚଳ ପରିଷଦ ତରଫରୁ ସ୍ୱଚ୍ଛସାଥୀ ଓ ସ୍ୱଚ୍ଛ ସୁପର ଭାଇଜରଙ୍କ ଜରିଆରେ ବିଭିନ୍ନ ୱାର୍ଡମାନଙ୍କରୁ ଓଦା ଓ ଶୁଖିଲା ବର୍ଜ୍ୟବସ୍ତୁ ଘରକୁଘର ଯାଇ ସଂଗ୍ରହ କରାଯାଉଛି । ସେହି ଓଦା ବର୍ଜ୍ୟବସ୍ତୁରୁ ଏମସିସି ଠାରେ ମୋ ଖତ ପ୍ରସ୍ତୁତ କରାଯାଉଛି । ଯେଉଁ ପରିବାରମାନେ ଓଦା ଓ ଶୁଖିଲା ଅଳିଆକୁ ପୃଥକୀକରଣ କରି ଦେଉଛନ୍ତି ସେମାନଙ୍କ ପରିବାରକୁ ଏହି ମୋ ଖତ ବିନା ମୂଲ୍ୟରେ ପ୍ରଦାନ କରାଯାଉଛି । ଏହି ପରିପ୍ରେକ୍ଷୀରେ ଆଜିି ୱାର୍ଡ ନଂ ୫ ଓ ୬ରେ ଓ ଗତକାଲି ୭ଓ ୮ ନଂ ୱାର୍ଡରେ ମୋ ଖତ ପ୍ରଦାନ କରାଯାଇଛି । ଏନଏସି ନିର୍ବାହୀ ଅଧିକାରୀ ଇଂ ମନୋରଞ୍ଜନ ପଣ୍ଡାଙ୍କ ଗାଇଡାନସରେ ଏହି କାର୍ଯ୍ୟକ୍ରମ ହେଉଥିବାବେଳେ ସାନିଟେସନ ଏକ୍ସପୋର୍ଟ ସୁନୀଲ କୁମାର ପ୍ରଧାନଙ୍କ ନେତୃତ୍ୱରେ ସ୍ୱଚ୍ଛ ସୁପରଭାଇଜର ଅର୍ଚ୍ଚନା ନାଏକ, ସ୍ୱଚ୍ଛସାଥୀ ସୁଷମା ବେହେରା, ଚାରୁଲତା ରାଜ, ଏମସିସି ସୁପରଭାଇଜର କିଷାନ ମୁଖୀ ପ୍ରମୁଖ ଯୋଗଦେଇ ମୋ ଖତ ପ୍ରଦାନ କରିଥିଲେ ।
