ବୌଦ୍ଧ,୧୬/୮ – ଆଜି ସକାଳେ ଲଗାଣ ବର୍ଷାରେ ଘର କାନ୍ଥ ଭୁଶୁଡି ପଡିବାରୁ କଣ୍ଟାମାଳ ବ୍ଲକ୍ ବରଗୋଛା ଗ୍ରାମ ପଂଚାୟତର ସରିଆପାଲି ଗ୍ରାମର ଜଣେ ବ୍ୟକ୍ତି ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଆଜି ଭୋର ପ୍ରାୟ ୫ ଘଣ୍ଟା ସମୟରେ ବରଗୋଛା ସରିଆପାଲି ଗ୍ରାମର ହରି ଦିଗାଳ ( ୪୫ ବର୍ଷ ) ଶୌଚ ପାଇଁ ଯାଇଥିବା ବେଳେ ତାଙ୍କର ଘର ମାଟି କାନ୍ଥ ଭୁଶୁଡି ପଡି ତାଙ୍କ ଉପରେ ପଡିଯାଇଥିଲା । ନିକଟରେ ଥିବା ଲୋକେ ତାଙ୍କୁ ଉଦ୍ଧାର କରି ମନମୁଣ୍ଡାରୁ ଆମ୍ବୁଲାନସ ଡକାଇ ଡାକ୍ତରଖାନା ପଠାଇଥିଲେ । କାନ୍ଥ ପଡି ତାଙ୍କର ଗୋଟିଏ ଗୋଡ ଭାଙ୍ଗି ଯାଇଛି ଓ ଦେହର ଅନେକ ସ୍ଥାନରେ ଗଭୀର କ୍ଷତ ହୋଇଛି । ଲଗାଣ ବର୍ଷା ଯୋଗୁଁ ଓ ତାଙ୍କ ଘର କାନ୍ଥ ପାଖ ଦେଇ ବର୍ଷା ଜଳ ନିଷ୍କାସନ ହେଉଥିବା ହେତୁ କାନ୍ଥ ଭୁଶୁଡି ପଡିଥିଲା ବୋଲି ପ୍ରତ୍ୟକ୍ଷଦର୍ଶିଙ୍କ ସୂତ୍ରରୁ ପ୍ରକାଶ । ଏ ଘଟଣା ଆଜି ଭୋର ସମୟରେ ଘଟିଥିଲେ ସୁଦ୍ଧା ଦିନ ୧୨ ଘଣ୍ଟା ମଧ୍ୟରେ ସ୍ଥାନିୟ ସରପଞ୍ଚ କି ଆରଆଇ କ୍ଷତିଗ୍ରସ୍ତ ପରିବାର ନିକଟରେ ପହଁଚିନଥିବା କିମ୍ବା କୌଣସି ସହାୟତା କରିନଥିବା ଅଭିଯୋଗ ହୁଏ ।
