ବୌଦ୍ଧ,୧୪/୧ – ଆଜି ମଧ୍ୟାହ୍ନ ପ୍ରାୟ ୧୨ ଘଣ୍ଟା ସମୟରେ ଜାତୀୟ ରାଜପଥ ନମ୍ବର ୫୭ର ବୌଦ୍ଧ ସହର ରାଜନପାଲି ଛକରେ ଗୋଟିଏ ଟ୍ରକ ଓ ସ୍କୋର୍ପିଓ ମଧ୍ୟରେ ଧକ୍କା ହେବାରୁ ଦୁଇଜଣ ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଦିନ ପ୍ରାୟ ୧୨ ଘଣ୍ଟା ସମୟରେ ଗୋଟିଏ ଟମାଟୋ ବୋଝେଇ ଟ୍ରକ ଭାରସାମ୍ୟ ହରାଇ ରାସ୍ତାର ଅପର ପାର୍ଶ୍ୱରେ ପାର୍କିଂ କରିଥିବା ଏକ ସ୍କୋର୍ପିଓ ଓଡି ୧୫ ଜି ୯୫୯୬କୁ ଧକ୍କା ଦେଇଥିଲା । ଫଳରେ ଗାଡି ଭିତରେ ବସିଥିବା ଜଣେ ଯାତ୍ରୀ ଓ ଡ୍ରାଇଭର ଆହତ ହୋଇଥିଲେ । ପଛ ପାଖରେ ପାର୍କିଂ କରିଥିବା ଅନ୍ୟ ଏକ କାର ମଧ୍ୟ କ୍ଷତିଗ୍ରସ୍ତ ହୋଇଛି । ଖବରପାଇ ବୌଦ୍ଧ ଆଦର୍ଶ ଥାନା ଅଧିକାରୀ ସୁଶ୍ରୀ ତପସ୍ୱିନୀ କହଁର ଘଟଣାସ୍ଥଳରେ ପହଞ୍ଚି ଟ୍ରକକୁ ଅଟକ ରଖି ତଦନ୍ତ ଚଳାଇଛନ୍ତି ।
