ବୌଦ୍ଧ,୨୫/୫- ବୌଦ୍ଧଜିଲ୍ଲା ମନମୁଣ୍ଡା ବନବିଭାଗ ରେଞ୍ଜ ଅନ୍ତର୍ଗତ ଶୁଲିଆଗ୍ରାମରୁ ଜଣେ ଶିକାରୀକୁ ବନ ବିଭାଗ ଗିରଫ କରିବା ସହ ଗୋଟିଏ ଝିଙ୍କ ଜବତ୍ କରିଛି । ମିଳିଥିବା ସୂଚନା ଅନୁଯାୟୀ ଗତକାଲି ଶୁଲିଆ ଗ୍ରାମର ସଂରକ୍ଷିତ ଜଙ୍ଗଲରୁ ସେହି ଗ୍ରାମର ପ୍ରଭାକର ସେଠୀଙ୍କ ପୁଅ ରାଧାକାନ୍ତ ସେଠୀ (୨୫) ଗୋଟିଏ ଝିଙ୍କ ଶିକାର କରି ଘରକୁ ନେଇଥିବା ବନ ବିଭାଗ ଖବର ପାଇଥିଲା ।
ଜିଲ୍ଲା ବନଖଣ୍ଡ ଅଧିକାରୀ ଯଶୋବନ୍ତ ସେଠୀଙ୍କ ନିର୍ଦ୍ଦେଶକ୍ରମେ ଅତିରିକ୍ତ ବନ ସଂରକ୍ଷକ ରାଜେନ୍ଦ୍ର ଗୋଛାୟତଙ୍କ ନେତୃତ୍ୱରେ ଚଢାଉ କରାଯାଇ ଝିଙ୍କକୁ ଜବତ୍ କରିବାସହ ଅଭିଯୁକ୍ତକୁ ଗିରଫ କରି ୫୭( କେ )/ ୨୦୨୧ରେ ବନ୍ୟଜନ୍ତୁ ସଂରକ୍ଷଣ ଆଇନରେ ମାମଲା ରୁଜୁ କରାଯାଇଥିବା ଜଣାପଡିଛି । ଚଢାଉରେ କଣ୍ଟାମାଳ ରେଞ୍ଜର ଖିରାବ୍ଧି ପ୍ରଧାନ, ବନପାଳ ପ୍ରକାଶ ସେଠୀ, ଗାର୍ଡ ବେବୀ ମିଶ୍ର ଓ ସ୍ୱତନ୍ତ୍ର ସ୍କାଡ୍ ସଦସ୍ୟମାନେ ସାମିଲ ହୋଇଥିଲେ । ଆଜି ଅଭିଯୁକ୍ତକୁ କୋର୍ଟଚାଲାଣ କରାଯିବ ବୋଲି ବନଖଣ୍ଡ ଅଧିକାରୀ ଶ୍ରୀ ସେଠୀ ସୂଚନା ଦେଇଛନ୍ତି ।
