ବୌଦ୍ଧ/ଜହ୍ନାପଙ୍କ,୧୪/୧୨- ବୌଦ୍ଧ ଓ ଖୁଣ୍ଟବନ୍ଧ ସେବା ସମବାୟ ସମିତି ପକ୍ଷରୁ ଆଜି ଧାନ କ୍ରୟ ଆରମ୍ଭ ହୋଇଛି । ବୁଟୁପାଲି ଜେ. ବି. ହାଇସ୍କୁଲ ନିକଟ ପଡିଆରେ ବୌଦ୍ଧ ସେବା ସମବାୟ ସମିତିର ଧାନ ମଣ୍ଡିକୁ ଓ ଖୁଣ୍ଟବନ୍ଧ ଆର.ଏମ.ସି. ମାର୍କେଟ ୟାର୍ଡ ଠାରେ ଖୁଣ୍ଟବନ୍ଧ ସେବା ସମବାୟ ସମିତିର ଧାନ ମଣ୍ଡିକୁ ଏ. ଆର.ସି.ଏସ. ଭୀମସେନ ସାହୁ ନଡିଆ ଭାଙ୍ଗି ଉଦଘାଟନ କରିଥିଲେ । ବୌଦ୍ଧ ମଣ୍ଡି ଶୁଭାରମ୍ଭ ସମୟରେ ଭାରପ୍ରାପ୍ତ ପ୍ରଶାସକ ତଥା ଏସ. ଆର.ସି.ଏସ. ଅଶୋକ କୁମାର ସାହୁ, ସମ୍ପାଦକ ସତ୍ୟଜିତ କର, ପୂର୍ବତନ ସମିତି ସଭାପତି ସତ୍ୟଜିତ କୁମାର୍ ପଣ୍ଡା, ମଣ୍ଡି କମିଟି ସଦସ୍ୟ ଚିତ୍ତ ରଞ୍ଜନ ଦନାୟକ, ସୁଶାନ୍ତ କୁମାର୍ ସେଠୀ, ରାଧେଶ୍ୟାମ ସେଠୀ, ଯୁଧିଷ୍ଠିର ମେହେର, ସମିତି କର୍ମଚାରୀ ସୁଦର୍ଶନ ନାଏକ, ସୁରେଂଦ୍ର ମେହେର, ସୁରେଶ ପଢିଆରୀ ଓ ଆର. ଏମ. ସି. କର୍ମଚାରୀ ଉପସ୍ଥିତ ଥିଲେ ।
ସେହିପରି ଖୁଣ୍ଟବନ୍ଧ ମଣ୍ଡି ଶୁଭାରମ୍ଭ ସମୟରେ ସଂପାଦକ ଦେବାଶିଷ ମିଶ୍ର, ଚାଷୀ ଚିତ୍ତ ରଂଜନ ପୁରୋହିତ, ରଂଜନ ପ୍ରଧାନ ,ନୃସିଂହ ମହାକୁଳ ପ୍ରମୁଖ ଉପସ୍ଥିତ ଥିଲେ । ଖୁଣ୍ଟବନ୍ଧ ମଣ୍ଡିରୁ ପାହାଡ଼ବାଲି, ସେରାବାଲି, ଗୋପୀନାଥ, ଶ୍ରୀକୃଷ୍ଣ ।,ରାଣୀସତୀ ଆଦି ମିଲ ଧାନ କ୍ରୟ ପାଇଁ ଚୁକ୍ତି କରିଛନ୍ତି ।
