ବୌଦ୍ଧ,୨୪/୧୨ – ବୌଦ୍ଧ ସହର ୧୧ ନମ୍ବର ୱାର୍ଡ ରାଜନପାଲି ଉଚ୍ଚ଼ ପ୍ରାଥମିକ ବିଦ୍ୟାଳୟରେ ମୋ ସ୍କୁଲ୍ ଅଭିଯାନ ଅନୁଷ୍ଠିତ ହୋଇଯାଇଛି । ବୌଦ୍ଧବ୍ଲକ୍ ଗୋଷ୍ଠୀ ଶିକ୍ଷା ଅଧିକାରୀ ଧ୍ରୁବଚରଣ ଘିବେଲାଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ଅତିଥି ଭାବରେ ସହକାରୀ ଗୋଷ୍ଠୀ ଶିକ୍ଷା ଅଧିକାରୀ କମଳାକାନ୍ତ ଦଳବେହେରା ଓ ସି.ଆର.ସି.ସି. ରାଜକୁମାର ପ୍ରଧାନ ଯୋଗ ଦେଇଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ସୁନୀଲ ପରିଡା ମୋ ସ୍କୁଲ୍ ଅଭିଯାନର ଲକ୍ଷ୍ୟ ଓ ଉଦ୍ଦେଶ୍ୟ ଉପରେ ଉପସ୍ଥିତ ପୁରାତନ ଛାତ୍ରମାନଙ୍କୁ ସୁଚନା ଦେଇଥିଲେ । ୧୯୬୨ ମସିହାରେ ପ୍ରତିଷ୍ଠିତ ଉକ୍ତ ବିଦ୍ୟାଳୟର ବିକାଶ ଓ ସୁରକ୍ଷା ପାଇଁ ସମସ୍ତ ପୁରାତନ ଛାତ୍ରଛାତ୍ରୀମାନେ ଯତ୍ନବାନ ହେବାକୁ ବି. ଇ. ଓ. ଶ୍ରୀ ଘିବେଲା ଆହ୍ୱାନ ଦେଇଥିଲେ । ପୁରାତନ ଛାତ୍ରଛାତ୍ରୀ ମାନଙ୍କ ଠାରୁ ପ୍ରଦତ୍ତ ୧୧,୫୦୦ ଟଙ୍କାର ସହାୟତା ସଂଗ୍ରହ ହୋଇଥିଲା । ପୁରାତନ ଛାତ୍ରମାନଙ୍କୁ ନେଇ ମୋ ସ୍କୁଲ୍ ଅଭିଯାନ କମିଟି ଗଠନ ହୋଇଥିଲା ଓ ସଭାପତି ଭାବରେ ପଦ୍ମନାଭ ସେଠୀ ମନୋନୀତ ହୋଇଥିଲେ । ପ୍ରାରମ୍ଭରେ ବୌଦ୍ଧ ଏନଏସି ର ସି.ଆର.ସି.ସି. ସନ୍ତୋଷ କୁମାର କର୍ଣ୍ଣ ଅତିଥି ପରିଚୟ ପ୍ରଦାନ କରିଥିଲେ । ପରିଶେଷରେ ପ୍ରଧାନ ଶିକ୍ଷକ ସୁନୀଲ ପରିଡା ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମରେ ପୁରାତନ ଛାତ୍ରମାନଙ୍କ ସହିତ ବିଦ୍ୟାଳୟର କର୍ମଚାରୀମାନେ ଯୋଗ ଦେଇଥିଲେ ।
