ବୌଦ୍ଧ,୯/୧୧ – ଆଜି ବୌଦ୍ଧଜିଲ୍ଲାରେ ପୁଣି ୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି । ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନଙ୍କ ସୂତ୍ରରୁ ମିଳିଥିବା ସୂଚନା ଅନୁଯାୟୀ ଆଜି ଚିହ୍ନଟ ପଜିଟିଭ ମାନଙ୍କ ମଧ୍ୟରେ ହରଭଙ୍ଗା ବ୍ଲକ୍ କରଞ୍ଜକଟା ଗ୍ରାମରୁ ୧ ଜଣ, କଣ୍ଟାମାଳ ବ୍ଲକ୍ କଲରାକୋଠା ଗ୍ରାମରୁ ୧ ଜଣ, ବଡ ଝାରମୁଣ୍ଡା ଗ୍ରାମରୁ ୩ ଜଣ ଚିହ୍ନଟ ହୋଇଛନ୍ତି । ସେହିପରି ଅନ୍ୟ ଜଣେ ତେଲିବନ୍ଧ ଗ୍ରାମର ବ୍ୟକ୍ତି ଚିକିତ୍ସା ପାଇଁ ବୁର୍ଲା ଯାଇଥିବାବେଳେ ସେଠାରେ କରୋନା ପରୀକ୍ଷା କରାଇ ପଜିଟିଭ ଚିହ୍ନଟ ହୋଇଛନ୍ତି । ବୌଦ୍ଧଜିଲ୍ଲାର ଜଣେ ବ୍ୟକ୍ତି ମୃତ୍ୟୁବରଣ କରିଥିବା ନେଇ ଆଜି ସରକାରୀ ଭାବେ ଘୋଷଣା କରାଯାଇଛି । ମୃତକ ଜଣକ ୬୪ ବର୍ଷର ଜଣେ ପୁରୁଷ ଓ ସେ ବୁର୍ଲା କୋଭିଡ ହସପିଟାଲରେ ଚିକିତ୍ସାଧୀନ ଅବସ୍ଥାରେ ଗତ ଅକ୍ଟୋବର ୧୨ତାରିଖରେ ମୃତ୍ୟୁବରଣ କରିଥିଲେ ।
