ବୌଦ୍ଧ,୩/୮: ଅଖିଳଭାରତୀୟ ଏଡ୍ସ ନିୟନ୍ତ୍ରଣ କର୍ମଚାରୀ କଲ୍ୟାଣ ସଂସ୍ଥାନ, ଦିଲ୍ଲୀ ଓ ଭୁବନେଶ୍ୱରସ୍ଥିତ ଓଡିଶା ରାଜ୍ୟ ଏଚଆଇଭି/ଏଡ୍ସ କର୍ମଚାରୀ କଲ୍ୟାଣସଂଘ ଆହ୍ୱାନରେ ବୌଦ୍ଧଜିଲ୍ଲା ଓସାକ୍ସରେ କାର୍ଯ୍ୟରତ ସମସ୍ତ ପରାମର୍ଶଦାତା ଓ ଲାବୋରେଟୋରୀ ଟେକନିସିଆନ କଳାବ୍ୟାଚ ପିନ୍ଧି ପ୍ରତିବାଦ କରିବେ ବୋଲି କହିଛନ୍ତି । ସେମାନେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଏଭଳି ପ୍ରତିବାଦ କରିବେ ବୋଲି କହିଛନ୍ତି । ୨୦୧୭ ମସିହାରୁ ଦରମା ହାର ସଂଶୋଧନ, ସମାନ କାମକୁ ସମାନ ଦରମା, ଇପିଏଫ ଲାଗୁ କରିବାକୁ ସେମାନେ ଦାବି ରଖିଛନ୍ତି । ଜିଲ୍ଲା ସଦରମହକୁମାରୁ ବନୋଜ କୁମାର ପ୍ରଧାନ, ଗୀତାଞ୍ଜଳି ସାହୁ, ପ୍ରମୋଦ କୁମାର ମହାରଣା, ଧରଣୀଧର ମାହାର ସାମିଲ ଥିବାବେଳେ ମନମୁଣ୍ଡା ସିଏଚସିରୁ ମିନାକ୍ଷୀ ସ୍ୱାଇଁ ଏଥିରେ ସାମିଲ ହୋଇଛନ୍ତି । ସେମାନଙ୍କ ସମସ୍ୟା ସମାଧାନ ନହେବା ପର୍ଯ୍ୟନ୍ତ ଆଜିଠାରୁ ଦୈନିକ, ସାପ୍ତାହିକ, ମାସିକ ରିପୋର୍ଟିଂ କରିବେ ନାହିଁ ବୋଲି ମଧ୍ୟ କହିଛନ୍ତି ।
