ଜହ୍ନାପଙ୍କ,୫/୮ : ବୌଦ୍ଧବ୍ଲକ ଅନ୍ତର୍ଗତ ଖୁଣ୍ଟବନ୍ଧ ପଞ୍ଚାୟତର ଜହ୍ନାପଙ୍କ ଗ୍ରାମ୍ୟ କମିଟି ପକ୍ଷରୁ ସ୍ଥାନୀୟ ହନୁମାନ ମନ୍ଦିର ପରିସରରେ ଅଯୋଧ୍ୟାରେ ଶ୍ରୀରାମ ଚନ୍ଦ୍ରଙ୍କ ଭବ୍ୟ ମନ୍ଦିର ନିର୍ମାଣର ଭୂମିପୂଜନ ଉପଲକ୍ଷେ ଅଖଣ୍ଡ ଦୀପ ପ୍ରଜ୍ଜ୍ୱଳନ କରିବାସହିତ କରୋନା ମହାମାରୀରୁ ଭାରତବର୍ଷକୁ ରକ୍ଷାକରିବା ପାଇଁ ସଦସ୍ୟମାନେ ପ୍ରାର୍ଥନା କରିଛନ୍ତି । ସେଥିପାଇଁ ମନ୍ଦିର ପୂଜକ ବିଜୟ ବେହେରା ସ୍ୱତନ୍ତ୍ର ପୂଜାର୍ଚ୍ଚନା କରିଥିଲେ । ଏହାପରେ ଅଖଣ୍ଡ ଦୀପ ପ୍ରଜ୍ଜ୍ୱଳନ କରିଥିଲେ । କାର୍ଯ୍ୟକ୍ରମରେ ଗ୍ରାମ୍ୟସଭାପତି ସୁମନ୍ତ ପ୍ରଧାନ, ସଂପାଦକ ଅରୁଣ କୁମାର ପ୍ରଧାନ, କୋଷାଧ୍ୟକ୍ଷ ଦଶରଥ ପ୍ରଧାନ, ମାରୁତି ଯୁବକ ସଂଘର ସଭାପତି ସୁଧାଂଶୁ ଶେଖର ମିଶ୍ର ଓ ସଂପାଦକ ଜଗଦୀଶ ବାରିକ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।
