ବୌଦ୍ଧ/ବାଉଁଶୁଣୀ,୨/୩- ବୌଦ୍ଧବ୍ଲକ ଅନ୍ତର୍ଗତ ଅଁଳାପାଲି ପଞ୍ଚାୟତ ଗଜରାଜପୁର ନିକଟରେ ଏକ ଅଜଣା ଇଣ୍ଡିକୋ କାର ଗାଡି ଦୁଇ ସାଇକେଲ ଆରୋହୀଙ୍କୁ ଧକ୍କାଦେଇ ଫେରାର ମାରିଥିବା ଜଣାପଡିଛି । ସାଇକେଲ ଆରୋହୀ ହେଲେ ଲକ୍ଷ୍ମୀପ୍ରସାଦ ପଞ୍ଚାୟତ ଗୁଢିଆଳି ଗ୍ରାମର ସୁରେଶ ବେହେରା ଓ ବିଦ୍ୟା ପ୍ରଧାନ ବୋଲି ଜଣାପଡିଛି । ଉଭୟ ସାଇକେଲ ଆରୋହୀ ଅଁଳାପାଲି ଆସି ନିଜ ଘରକୁ ଫେରିବା ସମୟରେ ଦୁର୍ଘଟଣା ଘଟିଥିବା ଜଣାପଡିଛି । କାର୍ଟି ସୋନପୁର ପଟୁ ବୌଦ୍ଧ ଅଭିମୁଖେ ଦ୍ରୁତଗତିରେ ଫେରାର ମାରିଛି । ଘଟଣାସ୍ଥଳରେ ବାଉଁଶୁଣୀ ଦମକଳ ବାହିନୀ ପହଞ୍ଚି ଆହତ ଯୁବକଙ୍କୁ ଉଦ୍ଧାର କରି ବାଉଁଶୁଣୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଅବସ୍ଥା ଗୁରୁତର ହେବାରୁ ତାଙ୍କୁ ସୋନପୁର ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ।
