ବୌଦ୍ଧ,୧୬/୬ – ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ମନମୁଣ୍ଡା ଠାରେ ଜୁହାର ପରିବାର ବେଙ୍ଗାଲୁର ତରଫରୁ ଆଜି ବାଜାବାଲା ମାନଙ୍କୁ ଶୁଖିଲା ଖାଦ୍ୟ ସାମଗ୍ରୀ ବଣ୍ଟନ କରାଯାଇଛି । ବିଶିଷ୍ଟ ନାଟ୍ୟକାର ତଥା ଶଲା ବୁଢ଼ାର ଫିଲ୍ମର ହିରୋ ଅଟଳ ବିହାରୀ ପଣ୍ଡାଙ୍କ ସ୍ମୃତିରେ ଏହି ବାଜାବାଲା ମାନଙ୍କୁ ଶୁଖିଲା ଖାଦ୍ୟସାମଗ୍ରୀ ବଣ୍ଟନ କରାଯାଇଛି । କୋରନା କଟକଣା ଯୋଗୁଁ ହାତ ବାନ୍ଧି ବସିରହିଛନ୍ତି ହଜାର ହଜାର କଳାକାର । ଯେଉଁ କଳାକାର ମାନଙ୍କର ଅନ୍ୟ ରୋଜଗାର ନାହିଁ ସେମାନେ ବଡ଼କଷ୍ଟରେ ଦିନ କାଟୁଛନ୍ତି । ଏଭଳି କଳାକାରଙ୍କର ସହାୟତା ପାଇଁ ଆଗଭର ହୋଇଛି ବେଙ୍ଗାଲୁରର ଜୁହାର ପରିବାର । ପଶ୍ଚିମ ଓଡିଶାର ସମସ୍ତ ୧୦ଟି ଜିଲ୍ଲାର କଳାକାରମାନଙ୍କୁ ରାସନ ସାମଗ୍ରୀ ବଣ୍ଟନ କରାଯିବ ବୋଲି ଜୁହାର ପରିବାର ବେଙ୍ଗାଲୁର ସଦସ୍ୟ ଅଚ୍ୟୁତାନନ୍ଦ ବିଶି କହିଛନ୍ତି । ସୂଚନାଯୋଗ୍ୟ ଯେ କଳାକାର ସ୍ୱର୍ଗତ ଅଟଳ ବିହାରି ପଣ୍ଡାଙ୍କ ନାମ ଅନୁସାରେ ଅଟଳ ସହାୟତା ଯୋଜନା ଆରମ୍ଭ କରିଛି ଜୁହାର ପରିବାର ।
