ବୌଦ୍ଧ,୧୩/୬ – କଣ୍ଟାମାଳ ବ୍ଲକ୍ ଦପଲା ଗ୍ରାମ ପଞ୍ଚାୟତ ଲଇଡା ହରିଜନ ସାହିକୁ ପାନୀୟ ଜଳ ଯୋଗାଣ ପାଇଁ ନିର୍ମିତ ସୌରଶକ୍ତି ଚାଳିତ ପାନୀୟଜଳ ଯୋଗାଣ ପ୍ରକଳ୍ପ ତିନିବର୍ଷ ହେଲା ଅଚଳ ହୋଇ ପଡିରହିଥିବା ଅଭିଯୋଗ ହୋଇଛି । ମିଳିଥିବା ସୂଚନା ଅନୁଯାୟୀ ୨୦୧୫-୧୬ ଆର୍ଥିକ ବର୍ଷରେ ନିର୍ମାଣ ହୋଇଥିବା ଉକ୍ତ ପ୍ରକଳ୍ପ ନିୟମିତ ନହେଲେ ମଧ୍ୟ ମଝିରେ ମଝିରେ କିଛିଦିନ ଲେଖାଏଁ ଲୋକଙ୍କୁ ଜଳଯୋଗାଣ କରାଯାଇଥିଲା । ୨୦୧୮ ମସିହାରୁ ପ୍ରକଳ୍ପ ଅଚଳ ହୋଇ କାର୍ଯ୍ୟ କରୁନଥିବା ହରିଜନ ସାହିବାସିନ୍ଦା ପ୍ରକାଶ କରିଛନ୍ତି । ସେମାନେ ପ୍ରକଳ୍ପର ମରାମତି ପାଇଁ ବାରମ୍ବାର ଅଭିଯୋଗ କରିଥିଲେ ମଧ୍ୟ ଗ୍ରାମ ପଞ୍ଚାୟତ କର୍ତୃପକ୍ଷ ସେ ଦିଗରେ ପଦକ୍ଷେପ ଗ୍ରହଣ କରୁନଥିବା ଗ୍ରାମବାସୀ କହିଛନ୍ତି । ଫଳରେ ଲୋକେ ପାନୀୟଜଳ ପାଇଁ ଅସୁବିଧା ଭୋଗ କରୁଥିବା ଅଭିଯୋଗ କରିଛନ୍ତି । ଏ ଦିଗରେ ପଦକ୍ଷେପ ନେବାକୁ ଜନସାଧାରଣରେ ଦାବୀ ହେଉଛି ।
