ବୌଦ୍ଧ,୧୨/୧୧ – ଆସନ୍ତା ଖରିଫ ୨୦୧୯ -୨୦ ଧାନ ସଂଗ୍ରହ ପାଇଁ ଚାଷୀଙ୍କୁ ଧାନର ମାନ ପରୀକ୍ଷଣ ତାଲିମ କାର୍ଯ୍ୟକ୍ରମ ବୌଦ୍ଧ ସେବା ସମବାୟ ସମିତି ପରିସରରେ ଅନୁଷ୍ଠିତ ହୋଇଯାଇଛି । ନିୟନ୍ତ୍ରିତ ବଜାର କମିଟି ବୌଦ୍ଧ ପକ୍ଷରୁ ଆୟୋଜିତ ଏହି ତାଲିମ କେନ୍ଦ୍ରରେ ବୌଦ୍ଧ ସହରାଞ୍ଚଳର ପ୍ରାୟ ୫୦ ଜଣ ଚାଷୀ ଯୋଗ ଦେଇଥିଲେ । ସମିତିର ସମ୍ପାଦକ ସତ୍ୟଜିତ କର ତାଲିମର ଆଭିମୁଖ୍ୟ ଉପରେ ସୂଚନା ଦେଇଥିଲେ । ନିୟନ୍ତ୍ରିତ ବଜାର କମିଟି ପକ୍ଷରୁ ଆଲୋକ କୁମାର ପ୍ରଧାନ, ଗଣେଶ ବେହେରା ଓ ଉମାକାନ୍ତ ପ୍ରଧାନ ଉପସ୍ଥିତ କୃଷକ ମାନଙ୍କୁ ଏଫ.ଏ. କ୍ୟୁ ମାନର ଧାନ କିଭଳି ନିର୍ଦ୍ଧାରଣ କରାଯାଏ ସେ ସମ୍ପର୍କରେ ତାଲିମ ଦେଇଥିଲେ ।
