ହରଭଙ୍ଗା,୨୫/୬- ଆଜି ଦଶମ ପରୀକ୍ଷାଫଳ ପ୍ରକାଶିତ ହେବାପରେ ବୌଦ୍ଧଜିଲ୍ଲାରେ ଜଣେ ଚାଷୀଘରର ପୁଅ ଜିଲ୍ଲାରେ ପ୍ରଥମ ସ୍ଥାନରେ ରହିଥିବା ଜଣାପଡିଛି । ସେ ହେଉଛନ୍ତି ବୌଦ୍ଧଜିଲ୍ଲା ହରଭଙ୍ଗାବ୍ଲକ ଲୁଣିବାହାଲ ପଂଚାୟତ ଘଣ୍ଟପାଲି ଗ୍ରାମର ମାତା ଜାହ୍ନବୀ ପ୍ରଧାନ ଓ ଗଜେନ୍ଦ୍ର ପ୍ରଧାନଙ୍କ ପୁଅ ମଧୁସୁଦନ ପ୍ରଧାନ । ଦଶମ ଶ୍ରେଣୀ ବୋର୍ଡ ପରୀକ୍ଷା ଦେଇ ଚଳିତବର୍ଷ ମୋଟ୍ ୫୫୨ ମାର୍କ ରଖି ଜିଲ୍ଲାରେ ପ୍ରଥମ ସ୍ଥାନରେ ଅଛନ୍ତି । ସେ ଲୁଣିବାହାଲ ପଲ୍ଲୀବିକାଶ ଉଚ୍ଚ ବିଦ୍ୟାଳୟରେ ପାଠ ପଢୁଥିବା ବେଳେ ଦୈନିକ ଘରେ ୧୦ ଘଣ୍ଟାରୁ ଅଧିକ ସମୟ ପାଠପଢାରେ ମନ ଦେଉଥିଲେ । ଆଜି ଫଳପ୍ରକାଶିତ ହେବାପରେ ଜିଲ୍ଲାରେ ପ୍ରଥମ ସ୍ଥାନ ପାଇଥିବାରୁ ତାଙ୍କୁ ନିଜର ସହପାଠୀ, ଶିକ୍ଷକଶିକ୍ଷୟିତ୍ରୀ ମାନେ ଶୁଭେଛା ଜଣାଇଥିବା କହନ୍ତି । ଆଗାମୀ ଦିନରେ ସେ ଲୋକମାନଙ୍କ ସେବାକରିବା ମନୋଭାବ ôଥିବାରୁ ଡାକ୍ତର ହେବାକୁ ଆଶା ରଖିଥିବା ସେ କହିଛନ୍ତି ।
