ବୌଦ୍ଧ,୩୦/୭- ବୌଦ୍ଧଜିଲ୍ଲା ହରଭଙ୍ଗା ବ୍ଲକର ଦୁର୍ଗମ ତଥା ଉପାନ୍ତ ଅଞ୍ଚଳ ଭାବେ ଜଣାଶୁଣା ଆଡେଣିଗଡ଼ ପଞ୍ଚାୟତରେ ଏକ ଜିଓ ନେଟୱାର୍କ ନିର୍ମାଣ କରାଯାଉଛି । ବୌଦ୍ଧଜିଲ୍ଲା ଯୁବ ବିଜେପି ନେତା ତଥା ଇଂ. ରାକେଶ ତ୍ରିପାଠୀ ଏଥିରେ ସହଯୋଗ କରୁଛନ୍ତି । ତାଙ୍କରି ଏହି ଉଦ୍ୟମ ପାଇଁ ଆଡେଣିଗଡ଼ ପଞ୍ଚାୟତବାସୀ ଏବଂ ବିବେବାନନ୍ଦ ଯୁବକ ସଙ୍ଘ ତରଫରୁ ଇଂ ରାକେଶ ତ୍ରିପାଠୀଙ୍କୁ ସମ୍ବର୍ଦ୍ଧିତ କରାଯାଇଛି । ଏହି ଟାୱାର ନିର୍ମାଣ ହେଲେ ପିଲାମାନଙ୍କ ଅନଲାଇନ କ୍ଲାସ କରିବାରେ, ଅନଲାଇନରେ ବିଭିନ୍ନ ଫର୍ମ ଓ କୃଷକମାନଙ୍କ ପାଇଁ ଥିବା ଫସଲ ବୀମା କରିବାରେ ସୁବିଧା ହେବ । ଏହି ଦୁର୍ଗମ ଅଞ୍ଚଳରେ ସବୁବେଳେ ନେଟୱାର୍କ ଅସୁବିଧା ରହୁଥିଲା । କିନ୍ତୁ ଏହି ଜିଓ ନେଟୱାର୍କ ଆସିଲେ ସମସ୍ତେ ଅନଲାଇନ କାର୍ଯ୍ୟ କରିବାରେ ସୁଫଳ ପାଇବେ ବୋଲି ଆଲୋଚନା ହେଉଛି । ଇଂ. ତ୍ରିପାଠୀଙ୍କ ଏହି ଉଦ୍ୟମକୁ ବିଭିନ୍ନ ମହଲରେ ପ୍ରଶଂସା କରାଯାଇଛି ।
