ହରଭଙ୍ଗା୧୯/୫- ଖୋର୍ଦ୍ଧା-ବଲାଙ୍ଗୀର ୫୭ନମ୍ବର ଜାତୀୟ ରାଜପଥ ପୁରୁଣାକଟକ ଥାନା ଲଇଗାଁ ପାୱାର୍ ହାଉସ୍ ନିକଟରେ ଆଜି ମଧ୍ୟାହ୍ନରେ ଏକ ବୋଲେରୋ ସହ କାର୍ ମୁହାଁମୁହିଁ ଧକ୍ଳା ହୋଇଥିବା ଜଣାପଡିଛି । ସୁଚନା ଅନୁଯାୟୀ ବୋଲେରୋ ଗାଡିଟି କିଆକଟା ଅଞ୍ଚଳରୁ ବାହାରି ହରଭଙ୍ଗାବ୍ଲକ ସଙ୍କରଡା ଗ୍ରାମକୁ ବାହାଘର ଭୋଜିପାଇଁଁ ଯାଉଥିଲା । ଏପଟେ ଦଶପଲ୍ଳାରୁ ବାହାରି ବଲାଙ୍ଗୀର ଅଭିମୁଖେ ଯାଉଥିବା କାର୍ଟି ହଠାତ୍ ଲଇଗାଁ ପାୱାର୍ ହାଉସ୍ ନିକଟରେ ମୁହାଁମୁହିଁ ଧକ୍ଳା ହୋଇଥିଲା ।
ଫଳରେ ଘଟଣାସ୍ଥଳରେ ହିଁ କାର୍ଚାଳକ ଜଣକଙ୍କ ମୃତ୍ୟୁ ହୋଇଥିବାବେଳେ ଅନ୍ୟଜଣେ ଗୁରୁତର ଥିବା ଜଣାପଡିଛି । ଖବରପାଇ ଚାରିଛକ ଦମକଳ ପହଞ୍ଚି ଗୁରୁତର ବ୍ୟକ୍ତିଙ୍କୁ ନିକଟସ୍ଥ ମେଡିକାଲ୍କୁ ଆଣିଥିଲା । ଏପଟେ ବୋଲେରୋ ଗାଡିରେଥିବା ଯାତ୍ରୀ ଘଟଣାସ୍ଥଳରୁ ଫେରାର୍ ହୋଇଥିବାବେଳେ ଉଭୟଗାଡିକୁ ଜବତକରି ଘଟଣାର ତଦନ୍ତ ଜାରି ରହିଥିବା ନେଇ ପୁରୁଣାକଟକ ପୋଲିସ୍ ପକ୍ଷରୁ ସୁଚନା ମିଳିଛି ।
