ବୌଦ୍ଧ,୧୮/୭: ଗତକାଲି ଜିଲ୍ଲାରେ ୬ ସଂକ୍ରମିତ ଚିହ୍ନଟ ହୋଇଥିବାବେଳେ ଆଜି ପୁଣି ବୃଦ୍ଧିପାଇ ୧୬ ସଂକ୍ରମିତ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି । ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ ରୀତାକାନ୍ତି ବଳିଆରସିଂଙ୍କ ସୂଚନା ଅନୁଯାୟୀ ହରଭଙ୍ଗା ବ୍ଲକ ବନ୍ଧାପଥର ପଞ୍ଚାୟତ ଗୁଡପଡା ଗ୍ରାମରୁ ଜଣେ, ବାଣୀଭୂଷଣପୁର ପଞ୍ଚାୟତ ଠିଡିକାଜୋର ଗ୍ରାମରୁ ଜଣେ, ଧଳପୁର ପଞ୍ଚାୟତ ପଲସାକୁଟୁଣୀ ଗ୍ରାମରୁ ୬ଜଣ, ମହାଲିକପଡା ପଞ୍ଚାୟତ ଜାବର ଗ୍ରାମରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଜି ବୌଦ୍ଧ ବ୍ଲକରୁ ଶୂନ ଥିବାବେଳେ କଣ୍ଟାମାଳ ବ୍ଲକ ରୁଣ୍ଡିମହୁଲ ପଞ୍ଚାୟତ ରୁଣ୍ଡିମହୁଲ ଗ୍ରାମରୁ ଜଣେ, ମନମୁଣ୍ଡା ପଞ୍ଚାୟତ ସରସ୍ୱତୀପୁର ଗ୍ରାମରୁ ଜଣେ, ଘିକୁଣ୍ଡି ପଞ୍ଚାୟତ ଆମ୍ବଗହଣା ଗ୍ରାମରୁ ଜଣେ, ଖଟଖଟିଆ ପଞ୍ଚାୟତ କୁମରକେଲି ଗ୍ରାମରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ସହରାଞ୍ଚଳରୁ ବ୍ରିଜଛକରୁ ଜଣେ, ବୁଟୁପାଲିରୁ ଜଣେ, ଡେଲି ମାର୍କେଟରୁ ଜଣେ ଆକ୍ରାନ୍ତ ରହିଛନ୍ତି । ଆଜିର ଆକ୍ରାନ୍ତଙ୍କୁ ମିଶାଇ ଜିଲ୍ଲାରେ ୧୨୪୪୬ରେ ପହଞ୍ଚିଲାଣି ଆକ୍ରାନ୍ତଙ୍କ ସଂଖ୍ୟା । ସେମାନଙ୍କ ମଧ୍ୟରୁ ଗତକାଲି ସୁଦ୍ଧା ୧୨୨୨୩ ଜଣ ସୁସ୍ଥ ହୋଇଥିବାବେଳେ ୧୧୯ ଜଣ ଚିକିତ୍ସାଧୀନ ରହିଥିବା ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ ସୂଚନା ଦେଇଛନ୍ତି । ଆଜି ଜିଲ୍ଲାରୁ ୫ ଜଣ ଆକ୍ରାନ୍ତଙ୍କ ମୃତ୍ୟୁ ଘଟିଥିବା ସରକାରୀ ରିପୋର୍ଟରୁ ଜଣାପଡିଛି ।
