ବୌଦ୍ଧ,୧୦/୨- ଗତକାଲି ଅପରାହ୍ନରେ ମନମୁଣ୍ଡା ଗାନ୍ଧୀ ଛକ ନିକଟରେ ଗୋଟିଏ ଯାତ୍ରୀବାହୀ କାର୍ ଓ ଟ୍ରକ ମଧ୍ୟରେ ଧକ୍କା ହୋଇ ଦୁର୍ଘଟଣା ଘଟିଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଜାତୀୟ ରାଜପଥ ନମ୍ବର ୫୭ର ମନମୁଣ୍ଡା ଗାନ୍ଧୀଛକ ନିକଟରେ ସୋନପୁର ପଟରୁ ବୌଦ୍ଧ ଆଡକୁ ଆସୁଥିବା ଏକ କାର୍ ଓଡି ୧୧ ଏଫ ୦୪୯୨ ଭୁଲ୍ ରାସ୍ତାରେ ଆସୁଥିବା ବେଳେ ବିପରୀତ ଦିଗରୁ ଆସୁଥିବା ଏକ ଟ୍ରକ ଓଡି ୦୪ ୨୬୭୩ ସହ ଧକ୍କା ହୋଇଥିଲା । ଦୁର୍ଘଟଣାରେ କାର୍ ଭାଙ୍ଗି ଯାଇଥିବା ବେଳେ ସେଥିରେ ସବାର ଥିବା ୫ ଜଣ ଯାତ୍ରୀ ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି । ମନମୁଣ୍ଡା ଗାନ୍ଧୀଛକ ବାଇପାସ୍ ରାସ୍ତାରେ ଡିଭାଇଡର ଥିବା ସତ୍ତେ୍ୱ କାର୍ ଡ୍ରାଇଭର ଡାହାଣ ପାଖ ରାସ୍ତାରେ ଧରି ଆସିବାରୁ ବିପରୀତ ଦିଗରୁ ଆସୁଥିବା ଟ୍ରକ ସହ ଧକ୍କା ହୋଇଥିବା ପ୍ରତ୍ୟକ୍ଷଦର୍ଶୀଙ୍କ ସୂତ୍ରରୁ ପ୍ରକାଶ । ମନମୁଣ୍ଡା ପୋଲିସ୍ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛି ।
