ବୌଦ୍ଧ,୧/୭- ବୌଦ୍ଧସହରର ରାଜନପାଲି ନିବାସୀ ସୁଦର୍ଶନ ସେଠୀ (୫୭)ଙ୍କ ଆଜି ସକାଳ ୧୧ଟାବେଳେ ହୃଦଘାତରେ ପରଲୋକ ହୋଇଥିବା ଖବର ମିଳିଛି । ସେ ବୌଦ୍ଧର ମଧ୍ୟମ କ୍ଷୁଦ୍ର ଜଳସେଚନ ବିଭାଗରେ ବରିଷ୍ଠ କିରାଣୀ ଭାବେ କାର୍ଯ୍ୟ କରୁଥିଲେ । ଆଜି ହଠାତ୍ ଅସୁସ୍ଥ ହେବାସହ ହୃଦଘାତରେ ତାଙ୍କର ପରଲୋକ ଘଟିଥିବା ଜଣାପଡିଛି । ତାଙ୍କର କନ୍ୟା ବୌଦ୍ଧ ପଞ୍ଚାୟତ କଲେଜରେ ରସାୟନ ବିଭାଗରେ ଅଧ୍ୟାପିକା ଥିବାବେଳେ ପୁଅ ଜଣେ ପିଏଚଡି ସ୍କୋଲାର ଅଟନ୍ତି । ବୌଦ୍ଧସହରରେ ତାଙ୍କର ଆତ୍ମୀୟତା ଏବଂ ସୁସଂପର୍କ ଗୁଣ ଯୋଗୁଁ ତାଙ୍କପ୍ରତି ଭଲପାଇବା ଥିଲା । ତାଙ୍କର ଆକସ୍ମିକ ବିୟୋଗରେ ଶୋକର ଛାୟା ଖେଳିଯାଇଛି ।
