ବୌଦ୍ଧ/ବାଉଁଶୁଣୀ,୧୦/୬- ବୌଦ୍ଧ ବ୍ଲକ୍ ବାଉଁଶୁଣୀ ଥାନା ବହିରା ଗ୍ରାମ ପଞ୍ଚାୟତର ସଦେଇପୁର୍ ଗ୍ରାମରେ ଟ୍ରାକ୍ଟର ଧକ୍କାରେ ଜଣେ ବୃଦ୍ଧାଙ୍କ ମୃତ୍ୟୁ ହୋଇଯାଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ବହିରା ଗ୍ରାମ ପଞ୍ଚାୟତ ସଦେଇପୁର ଗ୍ରାମର ଦୁର୍ଲଭ ବାରିକ(୬୫) ନାମକ ଜଣେ ବୃଦ୍ଧା ଅପରାହ୍ନ ପ୍ରାୟ ୨ ଘଣ୍ଟା ସମୟରେ ନିଜ ଘର ସାମ୍ନାରେ ବସି ଖାଇ ସାରି ବାସନ ମାଜୁଥିଲେ । ସିଙ୍ଗାରୀ ଗ୍ରାମର ଏକ ଟ୍ରାକ୍ଟର ସଦେଇପୁର ଗ୍ରାମକୁ କିଛି ନିର୍ମାଣ ସାମଗ୍ରୀ ବୋଝେଇ କରି ଯାଇଥିଲା । ଟ୍ରାକ୍ଟର ଡ୍ରାଇଭର ଗାଡି ପଛକୁ ବୁଲାଉଥିବା ବେଳେ ବୃଦ୍ଧାଙ୍କ ଉପରେ ଚଢି ଯାଇଥିଲା । ପରିବାର ଲୋକ ତୁରନ୍ତ ତାଙ୍କୁ ଗୁରୁତର ଅବସ୍ଥାରେ ବାଉଁଶୁଣୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତିର୍ି କରିଥିଲେ ଓ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥଲେ । ଖବରପାଇ ବାଉଁଶୁଣୀ ପୋଲିସ୍ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛି ଓ ବୃଦ୍ଧାଙ୍କ ଶବକୁ ଜବତ୍ କରି ପୋଷ୍ଟମଟମ ପାଇଁ ବୌଦ୍ଧ ଡାକ୍ତରଖାନା ପଠାଇଥିବା ସୂଚନା ମିଳିଛି ।
