ବୌଦ୍ଧ/ବାଉଁଶୁଣୀ,୨୭/୬- ବୌଦ୍ଧ ଜିଲ୍ଲାରେ ସବୁବେଳେ ଗଞ୍ଜେଇ ଚାଲାଣକାରୀମାନେ ବେଧଡକ ଭାବରେ ଗଞ୍ଜେଇ ଚାଲାଣ କରୁଥିବା ଦେଖିବାକୁ ମିଳୁଛି । କେତେବେଳେ ଗଞ୍ଜେଇ ମାଫିଆମାନେ ଗାଡିଛାଡ଼ି ଫେରାର ମାରୁଛନ୍ତି ତ ଆଉ କେତେବେଳ ପୋଲିସ କବଳରୁ ଖସି ଯାଉଥିବା ଚର୍ଚ୍ଚାର ବିଷୟ ପାଲଟିଛି । ଆଜି ସକାଳ ୫ଟା ସମୟରେ ବାଉଁଶୁଣୀ ପୋଲିସ୍ ଖବରପାଇ ପହଞ୍ଚି ଥିଲା ବାଉଁଶୁଣୀ ଥାନା ଅନ୍ତର୍ଗତ ହରିପୁର ଛକଠାରେ, ରାସ୍ତାକଡ଼ରେ ଠିଆ ହୋଇଥିବା ଡିଯାୟାର୍ ଗାଡି ଓଆର୍ ୧୫ଆର୍ ୩୧୨୦ ରୁ ୨୩ କେଜି ୩୫୦ଗ୍ରା. ଗଞ୍ଜେଇ ଜବତ କରିଥିବା ବାଉଁଶୁଣି ଥାନା ଅଧିକାରୀ ସୁବାଷ ରାୟଗୁରୁ ସୂଚନା ଦେଇଛନ୍ତି । କିନ୍ତୁ ଗାଡି ଛାଡ଼ି ଚାଲାଣକାରି ଫେରାର ମାରିଥିବା ବେଳେ ଗାଡ଼ିର ନମ୍ବର୍ ଏକ ଜାଲ୍ ନମ୍ବର୍ ବୋଲି ସୂଚନା ମିଳିଛି ।
