ବୌଦ୍ଧ,୧୬/୮ – ଆଜି ବୌଦ୍ଧଜିଲ୍ଲାରେ ୮ ଜଣ ବ୍ୟକ୍ତି କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି । ପୂର୍ବରୁ ବୌଦ୍ଧ ଜିଲ୍ଲାରେ ୩୭୨ ଜଣ କରୋନା ପଜିଟିଭ ଚିହ୍ନଟ ହୋଇଥିବାବେଳେ ଆଜିର ପଜିଟିଭକୁ ମିଶାଇ ଜିଲ୍ଲାରେ କରୋନା ଆକ୍ରାନ୍ତ ସଂଖ୍ୟା ୩୮୦କୁ ଛୁଇଁଛି । ଆଜି ପଜିଟିଭ ବାହାରିଥିବା ବ୍ୟକ୍ତିଙ୍କ ମଧ୍ୟରେ କଣ୍ଟାମାଳ ବ୍ଲକ୍ ଟପର୍ଣ୍ଣା ଗ୍ରାମରୁ ୪ ଜଣ, କଣ୍ଟାମାଳ ଥାନାର ଜଣେ, ବୌଦ୍ଧବ୍ଲକ୍ ବହିରା ଅଂଚଳର ଜଣେ ଓ ଅନ୍ୟ ଜଣେ ପୁରୁଣାକଟକର ବୋଲି ଜଣାପଡିଛି । ୮ ନମ୍ବର କରୋନା ପଜିଟିଭ ସମ୍ପର୍କରେ ତାଙ୍କ ପାଖରେ କୌଣସି ସୂଚନା ନଥିବା ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ବୌଦ୍ଧଜିଲ୍ଲାର ବାହାରେ ରହୁଥିବା କୌଣସି ଅଧିବାସୀ ହୋଇଥାଇପାରନ୍ତି ବୋଲି ସନ୍ଦେହ କରିଛନ୍ତି ସିଡିଏମଓ ଡାକ୍ତର ପ୍ରଧାନ ।
