ହରଭଙ୍ଗା,୨୪/୭- ବୌଦ୍ଧ ଜିଲ୍ଲା ହରଭଙ୍ଗାବ୍ଲକ ପୁରୁଣାକଟକର ବିଶିଷ୍ଟ ବ୍ୟବସାୟୀ ରାଧେଶ୍ୟାମ ଅଗ୍ରୱାଲ ଓ ପତ୍ନୀ ସରସ୍ୱତୀ ଦେବୀ ହରଭଙ୍ଗା ବ୍ଲକର ବିଭିନ୍ନ ପଂଚାୟତରେ ଥିବା ୧୦୦ ରୁ ଅଧିକ ଅସହାୟ, ବିଧବା, ବୃଦ୍ଧ ବୃଦ୍ଧା ମାନଙ୍କୁ ଆଜି ପବିତ୍ର ଗୁରୁପୂର୍ଣ୍ଣିମା ଅବସରରେ ଛତା ଓ ଜୋତା ବଣ୍ଟନ କରିଛନ୍ତି । ଏହି ଅବସରରେ ସମାଜସେବୀ ଗିରିଜାଶଙ୍କର ପଟ୍ଟନାୟକ, ସୁରେଶ୍ୱର ପଣ୍ଡା ପ୍ରମୁଖ ଉପସ୍ଥିତ ଥିଲେ । ଏହି ଦଂପତ୍ତି ବିଭିନ୍ନ ସମୟରେ ଅସହାୟ ମାନଙ୍କ ସେବା କାର୍ଯ୍ୟକ୍ରମ କରି ଆସୁଛନ୍ତି । ତାଙ୍କରି ଏପରି କାର୍ଯ୍ୟକୁ ପ୍ରଶଂସା ମଧ୍ୟ କରାଯାଇଛି ।
