ବୌଦ୍ଧ/ଜହ୍ନାପଙ୍କ,୧/୬- ବୌଦ୍ଧବ୍ଳକ ଜହ୍ନାପଙ୍କ ନୋଡ଼ାଲ ସରକାରୀ ଉଚ୍ଚ ବିଦ୍ୟାଳୟରେ କାର୍ଯ୍ୟରତ ବରିଷ୍ଠ ଶିକ୍ଷକ ଜ୍ଞାନେସ ପ୍ରସାଦ ସାହୁ ତାଙ୍କ ଶିକ୍ଷକତା ଜୀବନରୁ ସୋମବାର ଅବସର ନେଇଛନ୍ତି । ସେ ୧୯୯୦ ମସିହାରୁ ଏହି ସ୍କୁଲରେ ଶିକ୍ଷକତା ଆରମ୍ଭକରି ଦୀର୍ଘ ୩୧ ବର୍ଷ ଇଂରାଜୀ, ଭୂଗୋଳ ଓ ସାହିତ୍ୟ ବିଷୟରେ ଶିକ୍ଷାଦାନ କରିଥିଲେ । ଏହି ଅବସରରେ ଆଜି ପ୍ରଧାନଶିକ୍ଷକ ତ୍ରିଲୋଚନ ସାହୁଙ୍କ ସଭାପତିତ୍ୱରେ କରୋନା କଟକଣାରେ ଅନୁଷ୍ଠିତ ଅବସରକାଳୀନ ସମ୍ବର୍ଦ୍ଧନା ସଭାରେ ସହକାରୀ ଶିକ୍ଷକ ପ୍ରମୋଦ କୁମାର ଚାନ୍ଦ, ଜଗନ୍ନାଥ ବେହେରା, ଶରତ ପ୍ରଧାନ ଓ ଶାନ୍ତନୁ ମିର୍ଦ୍ଧା ଶ୍ରୀ ସାହୁଙ୍କ ଶିକ୍ଷକତା ଜୀବନର ଗୁଣାବଳି ସମ୍ପର୍କରେ ବକ୍ତବ୍ୟ ରଖିଥିଲେ । ତାପରେ ଉପଢୌକନ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧନା ଜଣାଇଥିଲେ । ଶେଷରେ ଶିକ୍ଷକ ପ୍ରମୋଦ ଚାନ୍ଦ ଧନ୍ୟବାଦ ଦେଇଥିଲେ ।
