ବୌଦ୍ଧ,୭/୬ – ନିର୍ମାଣାଧିନ କଣ୍ଟାମାଳ – ତରଭା ତେଲନଦୀ ପୋଲ ରାସ୍ତାର ଟିକ୍ରାପଡା ନିକଟରେ ଭାରସାମ୍ୟ ହରାଇ ବାଇକ ଦୁର୍ଘଟଣା ହେବା ଫଳରେ ବାଇକ ଚାଳକ ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଆଜି ଅପରାହ୍ନ ୩ଘଣ୍ଟା ସମୟରେ କଣ୍ଟାମାଳ ଗ୍ରାମ ପଞ୍ଚାୟତ ବଡ ଛପାପାଲି ଗ୍ରାମରୁ ଦୁର୍ଯ୍ୟୋଧନ ଖଟୁଆ କୌଣସି କାର୍ଯ୍ୟରେ ତରଭା ଯାଉଥିବା ବେଳେ ଟିକ୍ରାପଡା ବ୍ରିଜ ନିକଟରେ ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଥିଲେ । ରାସ୍ତାରେ ମେଟାଲିଙ୍ଗ କାମ ଚାଲୁଥିବା ହେତୁ ରାସ୍ତା ଉପରେ ଥିବା ଏକପଥରରେ ଆଗ ଚକ ଧକ୍କା ଦେବାରୁ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିବା ପ୍ରତ୍ୟକ୍ଷଦର୍ଶୀ ପ୍ରକାଶ କରିଛନ୍ତି । ସ୍ଥାନୀୟ ଲୋକଙ୍କ ସହଯୋଗରେ ତାଙ୍କୁ ଗୁରୁତର ଅବସ୍ଥାରେ କଣ୍ଟାମାଳ ଡାକ୍ତରଖାନାକୁ ପଠାଯାଇଥିବା ଜଣାପଡିଛି ।
