କଣ୍ଟାମାଳ,୨୪/୬- ରାଣୀ ଦୁର୍ଗାବତୀଙ୍କ ମହାନ୍ ବଳିଦାନ ଦିବସ ଆଜି ବୌଦ୍ଧ ଜିଲ୍ଲା ନୂଆପାଲି ପୁଞ୍ଜର ଅଖିଳ ଭାରତୀୟ ଗୋଣ୍ଡୱାନା ଗୋଣ୍ଡ ଓଡିଶା ପ୍ରଦେଶ ତରଫରୁ ପାଳିତ ହୋଇଯାଇଛି । କୁଲତାଯୋର ଶିବ ମନ୍ଦିର ପ୍ରାଙ୍ଗଣରେ ସଂପୂର୍ଣ୍ଣ କୋଭିଡ କଟକଣାକୁ ନେଇ ସଂଘର ସଭାପତି ପୁରନ୍ଦର ମାଝୀଙ୍କ ସଭାପତିତ୍ୱରେ ହୋଇଥିବା ବେଳେ ମହାସଚିବ ଧନଞ୍ଜୟ ପୁଟା ରାଣୀ ଦୁର୍ଗାବତୀଙ୍କ ଅସୀମ ସାହାସ, ଶକ୍ତି ଏବଂ ଯୁଦ୍ଧ କୌଶଳ ଉପରେ କହିବା ସହ ଏଭଳି ବୀର ପ୍ରସବିନୀ ନାରୀ ବିଶ୍ୱ ପାଇଁ ବିରଳ ବୋଲି କହିଥିଲେ । ଏହି ଅବସରରେ ଗୋଣ୍ଡ ସମାଜର ସେବକମାନେ ରାଣୀ ଦୁର୍ଗାବତୀଙ୍କ ତୈଳଚିତ୍ର ଉପରେ ପୁଷ୍ପମାଲ୍ୟ ଅର୍ପଣ କରି ରାଣୀଙ୍କ ଶକ୍ତି ଓ ସାହସ ଓ ଦେଶ ପ୍ରେମ ସଂପର୍କରେ ମତବ୍ୟକ୍ତ କରିଥିଲେ । ଏହି ସଭାରେ ଅନ୍ୟ ମାନଙ୍କ ମଧ୍ୟରେ ଗୋଣ୍ଡ ଜାତି ମାଲିକ ଦୟାନିଧି ମାଝୀ, ପୂର୍ବତନ ମହାସଚିବ ବଳରାମ ଭୋଇ ସମେତ ଅନ୍ୟ କର୍ମମର୍ତ୍ତାମାନେ ଉପସ୍ଥିତ ଥିଲେ ।
