ସୋନପୁର : ଗତକାଲି ପର୍ଯ୍ୟନ୍ତ ଜିଲ୍ଲାରେ ମୋଟ ସଂକ୍ରମିତ ଙ୍କ ସଂଖ୍ୟା୨୩୭ ଥିବାବେଳେ ଆଜି ପୁଣି ୬ ଜଣ ଚିହ୍ନଟ ହୋଇ ତାହା ବଢ଼ି ୨୪୩ ରେ ପହଞ୍ଚିଛି । ନୂତନ ଚିହ୍ନଟ ହୋଇଥିବା ବ୍ୟକ୍ତିଙ୍କ ମଧ୍ୟରୁ ଡୁଙ୍ଗୁରିପାଲି ବ୍ଲକର ଜଣେ ୪୩ ବର୍ଷିୟା ମହିଳା ଓ ସେ ଡାକ୍ତରଖାନାରେ କର୍ତ୍ତବ୍ୟରତ ଜଣେ କର୍ମଚାରୀଙ୍କ ସ୍ତ୍ରୀ ବୋଲି ଜଣାପଡୁଛି । ସେହିପରି ବୈଦୁପାଲି ଅଂଚଳର ଜଣେ ୧୮ବର୍ଷିୟା ଯୁବତୀ ରହିଛନ୍ତି । ତରଭା ବ୍ଲକ ଦେଉଳପଦର ଅଂଚଳର ଜଣେ ଚିହ୍ନଟ ହୋଇଥିବାବେଳେ ସଦର ବ୍ଲକକେନ୍ଦୁମୁଣ୍ଡା ଅଂଚଳର ଜଣେ ଓ ଉଲୁଣ୍ଡା ବ୍ଲକ ବିଶିପଡ଼ । ପଂଚାୟତର ଖଜୁରିଆପାଲିର ଜଣେ ଚିହ୍ନଟ ହୋଇଥିବା ଜିଲ୍ଲା ସ୍ୱାସ୍ଥ୍ୟ ବିଭାଗ ସୂତ୍ରରୁ ଜଣାପଡ଼ିଛି । ତେବେ ସଂକ୍ରମିତ ସମସ୍ତଙ୍କ ଆଣ୍ଟିଜେନ ପରୀକ୍ଷାରେ ପଜିଟିଭ ଜଣାପଡିବା ପରେ ସଂପୃକ୍ତ ସମସ୍ତ ଅଂଚଳରେ ଯାଂଚକୁ କଡ଼ାକଡ଼ି କରି ଲକ୍ଷଣ ଥିବା ସମସ୍ତ ବ୍ୟକ୍ତିଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଉଥିବା ଜିଲ୍ଲା କୋଭିଡ୍ ନୋଡାଲ ଅଫିସର ଡ଼.ନବକିଶୋର ବେହେରା ସୂଚନା ଦେଇଛନ୍ତି ।
